काठमाडौं । स्पेनको बाढी प्रभावित भ्यालेन्सिया क्षेत्रको भ्रमण गरेका राजा फिलिपले आम नागरिकको चर्को विरोधको सामना गर्नु परेको छ । आम नागरिकले उनीहरूमाथि माटो हाने र ‘आउन ढिलो गरेको ’ भने ।
यसपछि भ्यालेन्सियाका संसद सदस्य जुआन बोर्डेराले राजा फिलिपको बाढी प्रभावित भ्यालेन्सियाको भ्रमण ‘धेरै नराम्रो निर्णय’ भएको बताए ।
बोर्डेराले बीबीसीलाई भने – अधिकारीहरूले “कुनै पनि चेतावनी सुनेनन्,” राष्ट्रिय सरकारको प्रतिक्रिया पनि “संदिग्ध छ।”
उनले भने, ‘जनताहरु आक्रोशित हुनु स्वभाविक हो, उनको भ्रमण किन महत्वपूर्ण छ भन्ने कुरा जनताले नबुझ्नु स्वभाविक हो ।’
स्पेनका राजा फिलिपलाई भ्यालेन्सियाको भग्नावशेषले भरिएको सडकबाट हिँड्दा आक्रोशित मानिसहरू र स्वयंसेवकहरूले नारा लगाएर र माटो फ्याँकेर स्वागत गरे।
राजा फिलिपको भ्रमण यस्तो समयमा आएको हो जब भ्यालेन्सियाको प्रान्तीय सरकार भारी वर्षा र परिणामस्वरूप बाढीको अवस्थालाई लिएर गम्भीर आलोचनाको सामना गरिरहेको छ।
बेपत्ताको संख्याबारे सोधिएको प्रश्नको जवाफमा स्पेनका मन्त्री एन्जल भिक्टर टोरेसले अहिले नै भन्न गाह्रो भएको बताए ।
“हामीले यी तथ्याङ्कहरू अहिले नै दिन सम्भव छैन। यो स्पष्ट छ कि मृत्युको संख्या धेरै बढी छ,” उनले म्याड्रिडमा पत्रकार सम्मेलनमा भने।
स्पेनमा सोमबार आएको बाढीमा २१० जनाभन्दा बढीको मृत्यु भएको छ भने कैयौँ व्यक्ति अझै बेपत्ता छन् ।
