हटिया बजार नियन्त्रण गर्न ठूलो चुनौतीः गोलबजार नगर प्रमुख साह

62

संजय यादव,२७ आश्विन
गोलबजार, सिरहा

सिरहाको गोलबजार नगरपालिकाको प्रमुख देवनाथ साहले अहिलेको अबस्थामा हटिया बजार नियन्त्रण गर्न ठूलो चुनौती रहेको बताएका छन् । नगर प्रमुख साहले रेडियो आकाशगंगा एफएम गोलबजारका पत्रकार संजय यादवसंगको कुराकानीमा नगर प्रमुख साहले भने, हटिया नियन्त्रणको लागि प्रयास नभएको होईन । उनले भने, यहाँका जनताहरुलाई प्रयास गर्दा पनि यिनीहरु भन्छन्, कोरोनाबाट पनि मर्ने नै हो, यो भन्दा राम्रो हटियामा नै मर्ने भनेर भन्छन् अनि हामी के गर्ने । हटिया नियन्त्रण गराउन लाठी चार्ज गराएर पनि सकेनौ, न प्रहरी प्रशासन, न नगर प्रहरी, न जनप्रतिनिधिले सके ।

जनतालाई टर्चर गर्न नचाहेको पनि नगर प्रमुख साहले बताए । नगर प्रमुख साहले भने, अब कुनै पनि हालतमा बल प्रयोग नगर्ने र यहाँको स्थितीबारे संघिय सरकारलाई जानकारी गराईसकेको पनि बताए । एक प्रश्नको जवाफमा नगर प्रमुख साहले भने, अहिले बहुत टेनसन छ, तुरुन्तै हटिया बजार नियन्त्रण गर्न नसक्ने र अहिलेको अवस्थामा नियन्त्रण पनि हुन नसक्ने बताए ।

उनले भने, यस सम्बन्धी जिल्ला प्रमुख अधिकारीसंग थप छलफल भईरहेको बताए । प्रमुख साहले भने, बिद्यालय बन्द गराउने निकाय आफुहरु नरहेको र संघिय सरकारको निर्देशन अनुसार बन्द भएको बताए । विश्व कोरोना महामारीले जनजीवन अस्तब्यस्त भई गोलबजार नगरपालिका कोरोना भाईरस (कोभिड १९)को हटस्पोट बनिसकेको अवस्था रहेको छ । मापडण्ड पालना नगरेको र भद्रगोल ब्यबस्थापन देखेर सचेत नागरिकहरु चिन्तीत बनेको स्थानियहरुको कथन रहेको छ ।