संजय यादव, २३ आश्विन
गोलबजार, सिरहा
सिरहाको ईलाका प्रहरी कार्यालय गोलबजारका प्रहरी प्रमुख ईन्सपेक्टर संतोष कुमार राईले गैरकानूनी कार्यलाई तीब्ररुपमा रोकने नै मेरो पहिलो प्राथमिकता रहेको बताए । रेडियो आकाशगंगा एफएम गोलबजारका पत्रकार संजय यादवसंग कुरागर्दै प्रहरी प्रमुख राईले भने, लागु औषध, देहब्यापार, तस्करी लगायत अन्य गैरकानूनी तबरले हुने काम रोक्ने मेरो पहिलो प्राथमिकता रहेको प्रतिबद्धता जाहेर गरे । प्रमुख ईन्सपेक्टर राईले थपे, गोलबजार नगरलाई शान्तिपूर्ण, ब्यबस्थित र सुरक्षित नगर बनाउने काममा कुनै किसिमले पछाडी नपर्ने मेरो प्रतिबद्धता तथा उद्धेश्य रहेको बताए ।
एक प्रश्नको जवाफमा प्रहरी प्रमुख राईले भने, गलत गर्नेसंग कुनै किसिमको साँठगाँठ नरहने समेत प्रतिबद्धता जनाए । उनले भने, निष्पक्षता कानूनी राज्यको स्थापना कानूनी कार्यान्वयन गर्ने निकाय प्रहरी संगठन रहेकोले कानून बिपरित गर्नेहरुलाई कानूनको दायरामा ल्याएर नै छाडने बताए । तस्कर, लागु औषध कारोबारी, गलत काममा लागेका ठेकेदारहरुलाई तह लगाएर छाडिने र तपाई पत्रकारहरुको सहयोग र सहकार्यले निश्चितरुपमा मेरो कार्यकाल सौहाद्रपूर्ण र सफल रहने बिश्वास दिलाए । एक बर्ष भन्दा बढी कार्यकाल सकाएर प्रमुख ईन्सपेक्टर जनक पुरी सरुवा भएर गएपछि प्रमुख ईन्सपेक्टर आए ।
