काठमाडौं । युक्रेनी सैनिकको आक्रमणलाई ध्यानमा राख्दै रुसको कुर्स्क क्षेत्रमा बुधबार आपतकाल घोषणा गरिएको छ ।
क्षेत्रीय कार्यवाहक गभर्नर एलेक्सी स्मिर्नोभले यस क्षेत्रमा युक्रेनी सेनाको आगमनबाट उत्पन्न हुने परिणामबाट बच्न यो कदम चाल्न आवश्यक रहेको बताएका छन्।
रुसी अधिकारीहरूले यस क्षेत्रमा घुसपैठ सुरु भएदेखि नै कम्तीमा पाँच सर्वसाधारणको मृत्यु भएको र ६ बालबालिकासहित ३१ जना घाइते भएको बताएका छन्।
युक्रेनले यसबारे आधिकारिक रूपमा टिप्पणी गरेको छैन र घुसपैठको हद स्पष्ट छैन।
रुसले मंगलबार करिब एक हजार सैनिक, ११ ट्याङ्क र २० भन्दा बढी लडाकु सवारी साधन सुडजा सहर नजिक रुसी सीमामा प्रवेश गरेको बताएको छ ।
बीबीसीले कुर्स्कमा धेरै हवाई अलर्ट जारी गरिएको पुष्टि गरेको छ । अनलाइन पोस्ट गरिएको फुटेजमा लडाकु विमानहरू यस क्षेत्रमा उडान गरिरहेको देख्न सकिन्छ।
सीमा क्षेत्रबाट हजारौं मानिसलाई विस्थापित गरिएको स्मिरनोभले बताएका छन् । यहाँ अन्य सहरबाट डाक्टर बोलाइन्छ ।
