काठमाडौं । बंगलादेशमा प्रहरीले हडताल सुरु गरेपछि ‘अन्सार’ लाई ढाकाको प्रहरी चौकी, ट्राफिक र विमानस्थलको जिम्मेवारी दिइएको छ ।
बंगलादेशमा अन्सार मूलतया स्वयम्सेवकहरू हुन् जो आन्तरिक सुरक्षाका लागि मुख्य सुरक्षा बलहरूसँग तैनाथ हुन्छन्।
बंगलादेश अन्सारका जनसम्पर्क अधिकारी मोहम्मद रुबेल हुसेनले बीबीसी बंगलालाई भने – अन्सारले ढाकामा ट्राफिक नियन्त्रण गरिरहेका छन्।
बंगलादेशमा प्रहरीले सुरक्षा चिन्तालाई मध्यनजर गर्दै हडतालको घोषणा गरेको छ । यसपछि अन्सार र गाउँ सुरक्षा बललाई धेरै प्रकारका प्रहरी कामको जिम्मेवारी दिइएको छ ।
उनका अनुसार विमानस्थलमा अन्सार तैनाथ गर्ने प्रक्रिया पनि चलिरहेको छ । मंगलबार बंगलादेशको राजधानी ढाकामा कतै पनि प्रहरी गतिविधि वा उपस्थिति देखिएको थिएन।
बंगलादेशमा प्रहरी हवल्दारदेखि इन्स्पेक्टरसम्मको सङ्गठन ‘प्रहरी सेवा संघ’ले प्रहरीको जीवन रक्षा नभएसम्म हडतालमा बस्ने घोषणा गरेको छ ।
