राजविराज । सप्तरीका किसानलाई व्यवसायिक कुखुरा पालन सम्बन्धी एक दिने तालिम दिइएको छ ।
जिल्लाभरिका ९० किसानलाई सुनगाभा फिड प्रालि ईटहरीले व्यवसायिक कुखुरा पालन सम्बन्धी तालिम दिएको हो । ज्ञानको अभावमा कुखुरा पालन गर्दा कतिपयलाई नोक्सान सहनुपरेकाले यस सम्बन्धी आधारभूत तालिमको आयोजना गरिएको प्रालिले जनाएको छ ।
तालिममा डा. जयविक्रम साहले कुखुरा पालन गर्दा खोर निर्माण गर्ने प्रकृयादेखि चल्ला उत्पादन, दाना र पानी खुवाउने प्रकृयाबारे जानकारी गराए । कुरा फर्मको व्यवस्थापन, दाना भण्डाण तथा प्रयोग गर्दा ध्यान दिनुपर्ने कुराहरु, जैविक सुरक्षा विधि, खोरमा कुखुरा राख्ने प्रकृया, औषधिको प्रयोगसहितका बिषयमा किसानलाई जानकारी गराइयो ।
डा. साहले सीप नजानेर देखासिखीको आधारमा कुखुरापालक किसानहरुले नोक्सान उठाउनु परेको बताए । उनले ध्यानपूर्वक कुखुरापालन गरे यसले राम्रो आम्दानी दिने बताए । ‘कतिपय कुखुरा १, डेढ किलो भएपछि मर्छ’ उनले भने, ‘यस्तो बेला किसानलाई कति घाटा लाग्दो होला ? त्यसैले यसबारे शीप सिकेर अघि बढ्दा राम्रो हुन्छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
