दिवेश कुमार महतो
जनकपुरधाम । जनकपुरधाममाफ कुशवाहा फाउण्डेशनको दोस्रो वार्षिकोत्सव तथा होली मिलन कार्यक्रम सम्पन्न भएको छ । कुशवाहा फाउण्डेशनका अध्यक्ष विजय कुमार महतोको अध्यक्षता तथा प्रतिनिधि सभा सदस्य लक्ष्मी महतोको प्रमुख आतिथ्यतामा वार्षिकोत्सव तथा होलिमिलन कार्यक्रम भएको हो ।
कार्यक्रमका विशिष्ट अतिथि समेत रहेका नेकपा एमालेका नेता हरिनारायण महतोले प्रहरी प्रशासन, सिडिओ, केन्द्रीय मन्त्रालयका सचिवदेखि राजनितिकर्मी र भाषा विज्ञ जस्ता ठूला – ठूला पदमा कुशवाहा समुदायको पहुँच हुनु सुखद रहेको बताए । कोइरी जाति फरक–फरक पार्टीमा भएतापनि समुदाय र जातिको उत्थानमा सबै एक हुनुपर्ने समय आएको उनको भनाइ थियो ।
कार्यक्रममा अेबिसीका केन्द्रीय अध्यक्ष भरतप्रसाद महतोले कुशवाहा जाति राज्यका सबै निकायमा पुगेर विकासको बाटोमा अग्रसर हुदै गएको बताए ।
कोइरी कुशवाहा जातिको इतिहास धेरै पूरानो रहेतापनि पुस्तकहरूमा यसको उपलब्धता नभएका प्रति उपस्थिति वक्ताहरुले दुःख व्यक्त गरेका थिए । कोइरी जातिको इतिहास लेख सहितको पुस्तक लेखन तर्फ ध्यान दिन वक्ताहरुको जोड थियो ।
कार्यक्रममा मिथिला नगरपालिका वार्ड नं ८ कुसुमविछौनाका किर्तन मण्डली समुह , स्वास्तिक इङलिस बोर्डिङ स्कुल जनकपुरधामका छात्र छात्राहरुको साँस्कृति समूह र हिमालय युवा क्लब नक्टाझिजको कलाकार समूहद्वारा साँस्कृति कार्यक्रम प्रस्तुत गरेका थिए ।
उनीहरुलाई कबिर बाल बात्सल्य आश्रम जनकपुरधामका संस्थापक सत्यनारायण आलोकले गम्छा र अबिर लगाएर सम्मान गरेका थिए । आयोजक संस्थाका पदाधिकारीहरुलाई प्रमुख अतिथि प्रतिनिधि सभा सासंद लक्ष्मी महतोले गम्छा र अबिर लगाएर सम्मान गरेका थिए ।
कार्यक्रममा मगहि भाषा उत्थानका अन्तराष्ट्रिय अध्यक्ष वीरबहादुर महतो, नागरिक उन्मुक्ति पार्टीका उपाध्यक्ष रामकुमार महतो, हिमालय यूवा क्लब नक्टाझिजका पूर्व अध्यक्ष अरुण कुमार महतो, विभिन्न पालिकाका उपप्रमुख र वाडा अध्यक्षहरु लगायतले आ आफ्नो धारणा राखेका थिए । कार्यक्रमको उदघोषण तथा सञ्चालन आयोजक संस्था कुशवाहा फाउण्डेशनका महासचिव संजय कुशवाहाले गरेका थिए ।
