संजय यादव, १५, आश्विन, २०७७
गोलबजार, सिरहा
सिरहाको गोलबजार नगरपालिकामै पहिलो पटक यति ठूलो बजेटको उपभोक्ता समिति सदाय(मुसहर) समुदायको सहभागिता र नेतृत्वमा गठन भएको छ । गोलबजार नगरपालिका वार्ड नं ४, साबिक असनपुर वार्ड नं १ मा वडा स्तरिय योजना अन्तर्गत वार्ड नं ४ का वडा अध्यक्ष राजदेव यादवको बिशेष उपस्थितीमा आर.सि.सि.ढलान २२ लाख रकमको मुसहर समुदायकै नेतृत्वमा उपभोक्ता समिति गठन भएको वडा अध्यक्ष राजदेव यादवले बताए । भेला पश्चात वडा अध्यक्ष यादवले भने, आर.सि.सि. ढलान २२ लाख रकमको उपभोक्ता समिति मुसहर समुदायबाट बन्नु नै पहिलो सफलता रहेको बताए । आर.सि.सि. ढलानको लागि वडा अध्यक्ष यादवको बिशेष उपस्थितीमा उपभोक्ता समिति गठन गर्न बसेको भेलाले सर्बसहमतीबाट कमलीदेवी सदायको अध्यक्षतामा कोषाध्यक्ष, सचिव सहित ८ जना मुसहर समुदाय र १ जना मात्र अन्यबाट चयन भएको र अनुगमन समितिमा पनि भगत सदायको संयोजकत्वमा ३ सदस्यीय सदा समुदायकै चयन भएको वडा अध्यक्ष यादवले बताए ।
यति ठूलो रकमको आर.सि.सि. ढलानको लागि गठित उपभोक्ता समिति मुसहर समुदायबाट बन्नु, जो अवसर अधिकारबाट बञ्चित भएका या पछाडी पारीएका छन्, यिनीहरुलाई काम गर्नलाई निकै चुनौती देखिरहनु भएको छैन भन्ने प्रश्नमा वडा अध्यक्ष यादवले भने, यसमा उपभोक्ता समिति मात्र हैन, समुदायका सबैले आ(आफ्ना ठाँउबाट भरपुर सहयोग गर्नुपर्छ । यिनीहरु सफल हुनु पुरै समाज नै सफल हुनु हो, तसर्थ समिति गठन मात्र नमूना होईन, काम पनि नमूना नै हुने वडा अध्यक्ष यादवले बिश्वास ब्यक्त गरे ।
एक फरक प्रसंगमा वडा अध्यक्ष यादवले समुदायका टाठाबाठाहरुले यिनीहरुलाई कमजोर, निमुखा, बिपन्न भनी मौकाको फाईदा उठाउदै ठेक्कापटा जस्तै लिन बाध्य पारियो भने लिनेमाथी पनि कार्यबाही हुने र उपभोक्ता समिति पनि बिघटन हुने बिश्वास दिलाउदै वडा अध्यक्ष यादवले उपभोक्ता समितिलार्ई सबैले सहयोग गर्न आग्रह पनि गरे ।
