संजय यादव, १५, आश्विन, २०७७
गोलबजार, सिरहा
सिरहाको गोलबजारमा अस्थायी रुपमा रहेको क्वारिन्टीन ततकालको लागि बन्द भएको छ । मंगलबार औपचारिक रुपले क्वारिन्टीन बन्द भएको दिन गोलबजार नगर स्वास्थ्य शाखा प्रमुख सरोजकुमार कर्णको बिशेष उपस्थितीमा बिदाई कार्यक्रम भएको छ । गोलबजार नगरपालिकाद्धारा संचालित कोरोना भाईरस कोभिड १९ रोग ब्यबस्थापनको लागि गोलबजार नगरपालिका(४ स्थित रहेको रा.रा.तामांग जनता बहुमुखी क्याम्पसमा राखेको अस्थायी क्वारिन्टीन मंगलबार देखि बन्द भएको स्वास्थ्य शाखा प्रमुख कर्णले जानकारी दिए । स्वास्थ्य शाखा प्रमुख कर्णले भने, क्याम्पसमा पठनपाठन शुरु हुने अबस्था आएपछि ततकाल क्याम्पसमा रहेको अस्थायी क्वारिन्टीन पुनः संचालनमा ल्याउने गरि हालको लागि बन्द गरिएकोे बताए ।
गत चैत्र ११ गते देखि असोज १३ गते सम्म नियमित लागातार ६ महिना क्वारिन्टीन ब्यवस्थापन तथा हेरचाह गर्न खटिएका स्वास्थ्यकर्मी ,सुरक्षाकर्मीहरु लगायत यस्तो महामारीको समयमा सहयोग गर्नुहुने सबैलार्ई शाखा प्रमुख कर्णले धन्यबाद ज्ञापन गरे ।
गोलबजार नगरपालिकामा अब देखि पिसिआर जाँच र क्वारिन्टीनको ब्यवस्था ततकालै हुने कि नहुने प्रश्नमा शाखा प्रमुख कर्णले पिसिआर जाँच नियमित भईरहने र संक्रमितहरुलाई ततकाल होम आईसोलेसनमै राख्ने सुझाव दिएको बताए ।
