जनकपुरधाम । महोत्तरीको महदैया तपनपुरमा हिन्दु सम्राट सेनाका कार्यकर्ताहरुमाथि मुस्लिम समुदायका व्यक्तिहरुले कुटपिट गरेको छ । हिन्दु धर्मावलम्बीहरुको कृष्णको मूर्ति तोडफोड गरेपछि विरोधमा उत्रेका सम्राट सेनाका कार्यकर्ताहरुमाथि मुस्लिम समुदायका व्यक्तिहरुले आक्रमण गरेको आरोप छ ।
महोत्तरीको लोहारपट्टि नगरपालिका वडा नम्बर ३ महदैयास्थित गएराती केही अराजक व्यक्तिले कृष्णाष्टमीको लागि बनाईएको प्रतिमा तोडीदिएपछि उत्पन्न धार्मिक विवादमा हिन्दु सम्राट सेनाले न्यायको लागि पुगेपछि उनीहरुलाई घेराबन्दी गरेर कुटपिट गरेको आरोप छ ।
हिन्दु सम्राट सेनाकी मँजु मण्डल नामक कार्यकर्ताले फेसबुक लाईभमा आएर सो ठाउँका मुस्लिम समुदायका व्यक्तिहरुले आफूहरुलाई घरमा पसेर कुटपिट गरेको, हिन्दुहरुलाई घरमा पसेर कुटपिट गरेको आरोप लगाएकी हुन् ।
सो स्थानमा स्थानीयहरुबीच मूर्ति तोडफोड सन्दर्भमा कुराकानी र छलफल भईरहँदा बेमौका पुगेका हिन्दु सम्राट सेनाका कार्यकर्ताहरुले विरोध जनाएपछि उनीहरुलाई सुनुयोजित तवरले कुटपिट गरेको हो ।
हिन्दु मुस्लिम दुवै समुदायका अगुवाहरुले छलफल गरिरहँदा हिन्दु सम्राट सेनाले मूर्ति तोडफोड गरेको भन्दै कारवाहीको माग गर्न थालेपछि बाहिरबाट आएका केही मुस्लिम समुदायका व्यक्तिहरुले कुटपिट गरेको आरोप छ ।
समाजमा सदभाव कायम गर्नको लागि दुईपक्षबीच छलफल जारी रहँदा हिन्दु सम्राट सेनाले न्यायको लागि आवाज र नाराबाजी गरेपछि उनीहरुलाई राजनीतिक तवरले घेराबन्दी गरेको थियो ।
सो क्रममा हिन्दु सम्राट सेनाका राजेश यादव, मँजु मण्डल, लक्ष्मी साह, पँकज झा लगायतका कार्यकर्ताहरुलाई कुटपिट गरेको बताइएको छ ।
हिन्दु सम्राट सेनाकी लक्ष्मी साहलाई सोही ठाउँका मुस्लिम समुदायका व्यक्तिहरुले कुटपिट गरेको आरोप लगाईएको छ । बाहिरबाट गएका मुस्लिम समुदायका युवाहरुले लक्ष्मी साहलाई लक्षित गरी कुटपिट गरेको आरोप लगाईएको छ ।
यता, हिन्दु सम्राट सेनाका सदस्य जमुना साहले हिन्दुत्वमाथि प्रहार गरेपछि आफूहरु गएको प्रतिक्रिया दिएका छन् । सो ठाउँका केही मुस्लिमहरुले आफूहरुमाथि आक्रमण प्रयास गरेको बताएका छन् । न्यूज ब्यूरोसँग कुराकानी गर्दै साहले महदैयामा मूर्ति तोडफोडमा सोही ठाउँका केही उपद्रव व्यक्तिहरुको सँलग्नता रहेको भन्दै धर्मरक्षाको लागि आफूहरु जाँदा उनीहरुले आक्रमण गरेको बताएका छन् ।enewsbureau
