महेश सिंह सिरहा लहान १८ जेष्ठ – सिरहाको लहानमा राष्ट्रिय कृषक समुह महासंघ नेपालले स्थानीय सरकारको समन्वय र केयर नेपालको सहयोगमा आयोजना गरेको किसानको पहिचान वर्गीकरण र परिचय पत्रको ब्यवहारीक प्रयोगको विषयमा एक दिने अन्तरक्रिया कार्यक्रम सम्पन्न भएको छ्।
पछिल्लो समय गरेका कामको मुल्यांकन र लेखा जोखा गर्दै स्थानीय सरकारलाई जवाफ देहि बनाउने र अनुदानका कुरा र किसानले उत्पादन गरेका उपजहरुलाई उचित भाउ र बजारी कारण हुनुपर्ने लगायतका विषयमा छलफल गरेका थिए।
पेसागत किसानलाई पहिचान गरी समयमै बिउ बिजहन मलखाद समयमा उपलब्ध गराउनु पर्नेमा जोड दिएका थिए।
राष्ट्रिय कृषक समुह महासंघ नेपालको कार्यक्रम सिरहा सप्तरीलगायत जम्मा ६ वटा पालिकामा कार्यक्रम संचालनमा रहेका छन्। सिरहाका धनगढीमाई नगरपालिका,लक्ष्मीपुर गाउँपालिका,भगवानपुर गाउँपालिका,सखुवानान्कारकट्टी गाउँपालिका सप्तरीका रुपनी गाउँपालिका र अगनिसाई कृष्ण सावर्न गाउँपालिकामा कार्यक्रम संचालन रहेका कार्यक्रम संयोजक दिलिप कुमार साहले बताए।
कार्यक्रममा पालिका महासंघको प्रतिनिधिहरु गरी जम्मा ४० जना सहभागिता रहेको आयोक संस्थाले जनाए।कार्यक्रमको सहजीकरण मुख्य प्रशिक्षक बिनय धिताल, केयर नेपालका जिवनाथ शर्मा राष्ट्रिय कृषक समुह महासंघ नेपालका केदार कोइराला,दिलिप कुमार साहले कार्यक्रमको सहजीकरण गरेका थिए। पालिकाको कृषि संयोजक र कृषि बिकास शाखा र पशुबिकास शखाको प्रमुखहरुको उपस्थिति रहेका थिए।
