काठमाडौं- नेकपा माओवादी केन्द्र र नेपाल समाजवादी पार्टीबीच एकीकरण प्रक्रिया अगाडि बढेको छ।
दुवै पार्टीका वार्ता टोलीबीच शनिबार पहिलो बैठक बसेसँगै एकता प्रक्रिया अगाडि बढेको हो।
पहिलो बैठकबाट तीन महत्वपूर्ण विषयहरूमा सहमति भएको नेपाल समाजवादी पार्टीका कार्यकारिणी सदस्य गंगा श्रेष्ठले जानकारी दिएका छन्।
एकता शीघ्र सम्पन्न गर्न आ–आफ्नो पार्टीमा ठोस प्रस्ताव गरी पेस गर्ने तथा दुवै पार्टीको विधान र प्रतिवेदनलगायतका दस्ताबेज आदानप्रदान गर्ने सहमति भएको उनले बताए। त्यस्तै वार्ता टोलीको अर्को बैठक माघ १० गते बस्ने पनि सहमति भएको छ। आयोमेल
