ताइपेई : ताइवानमा यात्रुले खचाखच भएको विमानमा पावर बैंक विस्फोट भएपछि आगलागी भएको छ । आगो यति बलियो थियो कि विमानमा बसेका यात्रुहरु आतंकित भएर कराउन थाले । घटनामा दुई यात्रु जलेको पनि समाचार छ । भाग्यवस, घटनाको समयमा विमान टेकअफको लागि पर्खिरहेको थियो। त्यतिबेला चिसोका कारण सबै यात्रु आ–आफ्नो सिटमा अड्किएका थिए । घटनाको भाइरल भिडियोमा यात्रुहरू आगोबाट बच्न प्रयास गरिरहेको देख्न सकिन्छ। यसबाहेक विमानभित्र धुवाँ भरिएका कारण धेरै यात्रुलाई खोकी लागेको पनि देखिएको छ । यस क्रममा विमान परिचारिका पनि आगो निभाउने प्रयासमा देखिएका थिए ।
ताओयुआन अन्तर्राष्ट्रिय विमानस्थलको घटना
ट्वीटरमा शेयर गरिएको यो भिडियो मंगलबार राति ताइवानको ताओयुवान अन्तर्राष्ट्रिय विमानस्थलमा खिचिएको हो। ताइवानबाट सिङ्गापुर उड्ने तयारीमा रहेको विमानको पोर्टेबल मोबाइल चार्जरमा आगो लागेको थियो । आगो देखेपछि चालक दलका सदस्यले यात्रुलाई बचाउन खोजेका थिए । केही विमान परिचारिकाले दमकलको सहायताले आगो निभाउने प्रयास गरेका थिए भने केहीले आतंकित यात्रुलाई शान्त पार्ने प्रयास गरेका थिए ।