रौतहट, पुस । नेकपा एसका अध्यक्ष माधवकुमार नेपालले म सक्रिय राजनीतिमै रहने छु राष्ट्रपति पदमा नजाने स्पष्ट पारे ।
रौतहट सदरमुकाम गौरमा शुक्रवार तराई टप अनलाइनका सम्पादक प्रभातकुमार झा गौर संग कुरा गर्दै उनले राष्ट्रपतिमा गएर आफूलाई सक्रिय राजनीतिबाट अलग गर्न हुन नसक्ने संकेत दिदै पार्टी र संगठनलाई अहिले बलियो बनाउदै देशलाई सुखी र समृद्ध बनाउने अभियानलाई प्रमुख प्राथमिकतामा राखेर अघि बढिरहेको स्पष्ट पार्नु भएको हो ।
“मैले नै पहिलो राष्ट्रपति चयन प्रक्रियाको समयमा रामबरणजीको नाम गिरीजा प्रसाद कोइरालालाई दिएका थिए । विद्याजी बन्दा खेरी पनि मेरो नाम आएको थियो तर मैले अस्वीकार गरेको हुँदा म सक्रिय राजनीतिमै रहने छु राष्ट्रपतिको लोभ मलाई चाहिएन ।” “पार्टी बलियो बनाएर, वृहत छलफल चलाइकन म राष्ट्रपति बन्न जादैनौं उनले भने” ।
“माधवकुमार नेपाल अबको राष्ट्रपति बन्ने हल्ला बजारमा चलेको छ नी ? भने प्रश्नको जवाफमा उनले मैले सक्रिय राजनीति गरेको छु, नयाँ पार्टी गठन गरेको हुँदा अहिलेको परिवेशमा सक्रिय राजनीतिबाट टाढा हुन नसकिने भएको हुँदा राष्ट्रपति बन्न इच्छा आकाँक्षा नरहेको बताए ।
“मैले नै पहिलो राष्ट्रपति चयन प्रक्रियाको समयमा रामबरणजीको नाम गिरीजा प्रसाद कोइरालालाई दिएका थिए । विद्याजी बन्दा खेरी पनि मेरो नाम आएको थियो तर मैले अस्वीकार गरेको हुँदा म सक्रिय राजनीतिमै रहने छु राष्ट्रपतिको लोभ मलाई चाहिएन ।” “पार्टी बलियो बनाएर, वृहत छलफल चलाइकन म राष्ट्रपति बन्न जादैनौं उनले भने” ।
नेकपा एसका अध्यक्ष तथा रौतहट निर्वाचन क्षेत्र १ बाट प्रतिनिधि सभा सदस्य पदमा निर्वाचित नेपालले नेकपा एमाले र निर्वाचन आयोगको षड्यन्त्रको कारण नेकपा एस राष्ट्रिय पार्टी बन्न नसकेको आरोप लगाए ।
अध्यक्ष नेपालले समानुमापति मत तर्फ ध्यान नदिदा एमाले र निर्वाचन आयोगले षड्यन्त्र गर्दा आफनो पार्टी राष्ट्रिय पार्टी बन्न नसकेको गम्भीर आरोप लगाए । बजारमा धेरै कुराहरुको हल्ला फैलिएको छ त्यसको वारेमा टिप्पणी गर्नु राम्रो हुदैन । संविधानको जोगाउनु छ, गणतन्त्रलाई रक्षा गर्नु छ, संघियतालाई बलियो बनाउनु छ, समावेशिताको नीतिलाई लागु गर्दै समाजवादको अवधारणालाई विकसित गराउने मान्यताका साथ सहमत हुने संग सहकार्य हुनसक्ने बताए ।
रौतहट सदरमुकाम स्थित शुक्रवार विहानै नेकपा एसका अध्यक्ष माधवकुमार नेपालको पहलबाट स्वास्थ्य विभाग महाशाखाबाट आएका ७ थान अल्ट्रासाउण्ड मेशिन (भिडिओ एसरे) गौर, राजदेवी, माधवनारायण, गढीमाई नगरपालिका र दुर्गा भगवती, यमुनामाई गाउँपालिकाको प्रमुखलाई हस्तान्तरण गरिएको थियो ।
