राजविराज । लोकतान्त्रिक समाजवादी पार्टी नेपालका वरिष्ठ नेता राजेन्द्र महतोले गठबन्धन गर्नु बाध्यता रहेको बताएका छन् ।
सोमबार राजविराजमा लोसपा सप्तरीद्वारा आयोजित पार्टी प्रवेश कार्यक्रममा लोसपाका वरिष्ठ नेता महतोले मंसिर ४ गते हुने प्रतिनिधि र प्रदेश सभाको निर्वाचनका लागि गठबन्धनको कुराकानी भईरहेको बताए । महातोले भन्ने ‘मधेशि जनताको अधिकार प्राप्ती नहुँदा जनतामा निराशा देखिएको भन्दै देशमा सुशासन कायम नहुँदा सम्म जन्ता सधै निरास भएर बस्ने बताए ।
राजविराज नगरपालिकाका पूर्व मेयर शम्भु प्रसाद यादब नेकपा माओवादी केन्द्र परित्याग गरी लोसपामा प्रवेश गरेका छन् । पार्टी प्रवेश कार्यक्रममा वरिष्ठ नेता महतोले पूर्व मेयर यादवलाई फुलमाला र टीका लगाई स्वागत गरेको हो ।
यसैगरी राजबिराज नगरपालिका पूर्व कार्यपालिका सदस्य प्रमोद कावडा, पूर्व वडा अध्यक्षहरू माँगीलाल नाई, सुदर्शन सिंह, शम्भु यादव (लाली), शोभालाल मण्डलले पनि लोसपामा प्रवेश गरेका छन ।
त्यस्तै मो. ईर्साद अन्सारी सहित सयौको संख्यामा विभिन्न पार्टी परित्याग गरि लोसपा प्रवेश गरेका छन् । नव प्रवेशीकाहरुलाई पार्टीका बरिष्ठ नेता महतो, लोसपाका केन्द्रीय नेता शरद सिंह भण्डारी, अनिलकुमार झा, मधेस प्रदेसका अध्यक्ष जितेन्द्र सोनल लगायतले नव प्रवेशीहरूलाई फुलमाला लगाई स्वागत गरेका छन् ।
लोसपा जिल्ला अध्यक्ष सुनिल कुमार झाको अध्यक्षतामा आयोजित कार्यक्रममा प्रतिनिधि सभा सदस्य चन्द्रकान्त चौधरी, दुलारीदेवी खंग, लोसपा नेता गजेन्द्र मण्डल, जयप्रकाश ठाकुर, रविन्द्र मण्डल, उपेन्द्र साह ओविसी, पुनमकुमारी यादव लगायतका नेता तथा कार्यकर्ताहरूको उपस्थिति रहेको थियो ।
