काठमाडौँ ३१, साउन
अखिल नेपाल महिला संघ सातौं रास्ट्रिय सम्मेलन आयोजक कमिटीले काठमाडौँको कोटेश्वोरमा ”युवा महिला र राजनीति” विषयक राष्ट्रिय विचार गोष्ठी सम्पन्न गरेको छ । उक्त विचार गोष्ठीलाइ सम्बोधन गर्दै पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले एमाले बाहेक अरु पार्टीहरु परिवारवादमा डुबेको र आम महिलाहरुले पाउनु पर्ने अधिकार आफ्नै श्रीमती, छोरी, बुहारी र परिवारका सदस्यहरुलाई बाँडेर महिला शसक्तिकरणको बिगुल फुक्दै हिडेको अभिव्यक्ति दिनु भएको छ । एमालेले सदैव ३३% महिलाहरुलाई संसदमा प्रतिनिधित्व गराएको दाबि गर्दै आगामी निर्वाचनकालागि तयारी रहन आग्रह गरेका छन।
अखिल नेपाल महिला संघकी अध्यक्ष थम माया थापाले महिला आन्दोलनलाई शसक्त बनाउन युवाहरुको भुमिका अहम रहेको र अनेमसङ्घले आफ्नो युवा कमिटीमा १८ देखि ३० वर्ष उमेर समुहका युवाहरुलाई सङठित र प्रशिक्षित गरिरहेको बताउनु भयो । अखिल नेपाल महिला संघकी सचिव सुजिता शाक्यले देश तथा विदेशबाट उत्साहजनक उपस्थिति भएकोमा खुशी प्रकट गर्दै सदैव महिलाहरुको सशक्तिकरणमा अग्रणी भूमिका निर्वाह गर्दै आएको र भोलिका दिनमा समेत पछि नहट्ने बताउनु भयो। महिलाहरु घरदेखि संसदसम्म शसक्त भएको देख्दा आफुले बिगतमा महिला आन्दोलनमा गरेको योगदान सार्थक भएको जिकिर गर्दै अब महिलाहरुको शिप तथा क्षमता बिकासमा आवाजको खाचो रहेको बताउनु भयो।
कार्यक्रममा महिलाहरुद्वारा बनाइएका चित्रकला तथा हस्तकलाका सामाग्रीहरुका साथै नेपाली भुगोल, संस्कृति र कम्युनिस्ट आन्दोलनलाई झल्काउने र युवालाई उर्जा प्रदान गर्ने नृत्य तथा गीतहरु समेत प्रदर्शन गरिएको थियो ।
