काठमाडौं । भारतमा छेपारोलाई सामूहिक बलात्कार गरेको आरोपमा चारजनालाई प्रहरीले पक्राउ गरेका छन् ।
भारतको महाराष्ट्र स्थित रत्नगिरी जिल्लाबाट जंगली छेपारो बेङ्गल मनिटर लिजार्डको सामूहिक बलात्कार गरेको आरोपमा तुकाराम पवार, मंगेश कामटेकर, अक्षय कामटेकर र रमेश घागलाई पक्राउ गरिएको स्थानीय प्रहरीले जनाएका छन् ।
भारतीय सञ्चारमाध्यम इन्डिया टुडेकाअनुसार रत्नागिरीमा अवस्थित स्याद्री टाइगर रिजर्भमा अवैध सिकार गर्न गएका उनीहरूले जंगली छेपारोको सामूहिक बलात्कार गरेका हुन् ।
गत ३१ मार्चमा स्थानीय वन अधिकारीहरूले जंगलका विभिन्न स्थानमा जडित सिसिटिभी क्यामराको निरीक्षण गर्ने क्रममा उक्त घटना सार्वजनिक भएको हो ।
बेङ्गल मनिटर लिजार्ड छेपारो प्रजातिको एक स्तनधारी प्राणी हो । यो प्रजाति भारतीय उपमहादिप, दक्षिण पूर्वी एसिया र पश्चिम एसियाका केही स्थानहरूमा पाइने गर्छ भने भारतमा यसलाई आरक्षित प्राणीको सूचीमा राखिएको छ ।
आरोपितहरु विरुद्ध आवश्यक कारबाही प्रक्रिया अघि बढेको इन्डिया टुडेले जनाएको छ ।
