काठमाडौं– सन् २०१७ यता बेपत्ता उइग्युर पत्रकारलाई ‘राजनीतिक अपराध’ को अभियोगमा चीनमा १५ वर्षको सजाय सुनाइएको खुलासा भएको छ । अमेरिका भर्जिनियामा बस्ने आफ्ना छोरालाई भेटेर सन् २०१७ मा फर्केयता उइग्युर पत्रकार कुरबान ममुत बेपत्ता रहेको जनाइएको छ ।
चिनियाँ अधिकारीहरूले उनको कारावासको सजाय र अदालतको फैसला गोप्य राखेको रेडियो फ्रि एसियाले जनाएको छ ।
‘यतिका प्रयास गर्दा पनि मैले आफ्ना पिताबारे सूचना पाउन सकिनँ ।’ ममुतका छोरा बहराम सिन्टासलाई उद्धृत गर्दै रेडियो फ्रि एसियाले जनाएको छ ।
बल्ल गत फेब्रुअरी महिनामा आफ्नी दिदीबाट पितालाई १५ वर्ष जेल भएको थाहा पाएको उनले बताए ।
उनलाई ‘राजनीतिक अपराध’ को अभियोगमा जेल सजाय भएको प्रहरीलाई उद्धृत गर्दै रेडियो फ्रि एसियाले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
