संजय यादव, सिरहा
१९ चैत्र,२०७८
मिर्चैया नगरपालिकालाई समृद्ध नगरपालिका बनाउने अभियानमा जुटेकोले सबैको सकृय साथ र सहयोगको अपेक्षा रहेको मिर्चैया नगरपालिकाका नगर प्रमुख श्रवण यादवले बताएका छन् । मिर्चैया नगरपालिकाका ज्येष्ठ नागरिकहरूको अनुहरमा खुसी ल्याउन सक्नु नै मेरो आत्मसन्तुष्टि रहेको मिर्चैया नगरपालिकाका नगर प्रमुख श्रवण यादवले बताए । नगरपालिका भित्रका भगवानतुल्य ज्येष्ठ नागरिकहरूको खुसीमा नै आफू रमाइरहेको र त्यसैअनुसारको कार्यक्रमहरु ल्याएका छौं । नगरपालिकाको आयुर्वेद शाखाद्वारा मिर्चैया वडा नं ९ मा आयोजित ज्येष्ठ नागरिक स्वास्थ्य प्रबद्र्धन सेवा कार्यक्रममा नगर प्रमुख यादवले यस्तो बताए । राजनीतिक नाममा गलत तत्वहरुले झुठो अफवाह फैलाउने काम गरिरहेकोले त्यस्तो अफवाहको पछि नलाग्न नगरवासीहरुमा मेयर यादवले अनुरोध गरे । ज्येष्ठ नागरिकले पाउँदै आएको सेवा सुविधालाई अझ छिटो सरलता किसिमले उपलव्ध गराउने प्रतिबद्धता समेत मेयर यादवले जनाए । मेयर यादवले भने, नगरभित्रका विशुद्ध सुकुम्बासीहरुलाई कसरी व्यवस्थापन गर्ने र सदियौंदेखि जोत्दै आएको जग्गा रजिष्टेशन हुन नसकेकाहरुकोे डाटा संकलन गर्ने काम १५ बैशाख सम्म लिइसकेपछि वडा नं १ र ९ बाट लालपुर्जा वितरण गर्ने काम सुरु गर्ने । अब नगरभित्रका कृषकले कृषि मिटरको पैसा किसानले हैन नगरपालिकाले बेहोर्ने भने । किसानहरुको लागि यो एउटा ठूलो उपलब्धि नै रहेको मेयर यादवले सुनाए । मेयर यादवले भन,े मिर्चैया नगरपालिका सुगम नगरपालिका भएपनि नगरपालिका भित्र पनि केही वडा, टोलहरु दुर्गमैै रहेकोले त्यस्ता दुर्गम ठाँउहरुलाई विकाससँग जोड्ने काम भइरहेको बताए ।
कमलदहलाई पर्यटकीय स्थलको रुपमा विकास गर्न रत्तिभर पनि कसर नराख्ने र त्यसैअनुसार काम अगाडि बढेको बताए । जनप्रतिनिधी मालिक होइन, जनताको सेवक हो । त्यसैले सेवकलाई सेवा गर्ने मौका दिनुपर्छ । मेयर यादवले कार्यक्रमलाई सम्बोधन गर्दै भने, मिर्चैयामा विकास निर्माणको क्रममा ठूला जमिनदारहरूको घर टुटेर सडक विकास भएको छ । जुन विकास गर्ने तागत तपाईहरुबाट प्राप्त भएको छ । माछा होइन, माछा मार्नेे सीप सिकाइ आत्मनिर्भर बनाउनु ठूलो कुरा हो । विरोध गर्नेले विरोध गरिरहन्छन् र म तपाईंहरुको आशिर्वाद लिँदै अगाडी बढी रहेको छु । त्यस्तै कार्यक्रममा मिर्चैया नगरपालिकाका प्रमुख प्रशासकीय अधिकृत डम्बरध्वज आङ्गदेम्वेले ज्येष्ठ नागरिकलाइ पहिलो प्राथमिकतामा राखी सेवा प्रवाहकोलागि निर्देशन दिएको बताए । उनले भने, सेवाग्राहीलाई कुनै समस्या आए तुरुन्त आफुलाई सम्पर्क गर्नुहुन अनुरोध गर्दै भने, यदि त्यस्ता अटेर गर्ने कर्मचारी रहेछन् भने कार्यवाही गर्ने समेत प्रतिवद्धता जाहेर गरे । नगरपालिकाको कुनैपनि ज्येष्ठ नागरिकले सेवा सुविधा लिन बाट बञ्चित हुनु नपरोस् र त्यसै अनुसार कामकाज अगाडी बढाएको बताए । नगरवासीको सेवाकोलागि हरदम तयार रहेको र कुनै असन्तुष्टि भए समयमै जानकारी गराउनु हुनु सबैमा अधिकृत आङ्गदेम्वेले अनुरोध पनि गरे । कार्यक्रममा मिर्चैया नगरपालिका वार्ड नं ९ का ज्येष्ठ नागरिकहरुलाई मेयर यादव र अधिकृत आङ्गदेम्वेले गम्छा ओढाई सम्मान गर्दै ज्येष्ठ नागरिकको स्वासथ्यलाई ख्याल गर्दै च्वनप्राश, फलफुल, चूर्ण लगायतको पौष्टिक आहार वितरण गरे । यस प्रकार नै मिर्चैया नगरपालिकाका हरेक वार्डमा कार्यक्रम संचालन हुने मिर्चैया नगरपालिकाका कर्मचारी राजगिर यादवले जानकारी दिए ।
