राजविराज । राष्ट्रिय एकता अभियानले काठमाण्डौ–काराँची सिधा हवाई उडानका लागि गरिएको प्रस्ताव प्रति विरोध जनाएको छ ।
नेपाल चेम्बर अफ कमर्सका अध्यक्ष राजेन्द्र मल्लले काठमाडौबाट कराचीको सिधा हवाई उडान सेवाको लागि गर्नुभएको प्रस्ताव प्रति अभियानले विरोध जनाएको हो ।
अभियानका अध्यक्ष विनय यादवले प्रेस विज्ञप्ती जारी गर्दै कराचीबाट काठमाडौ सिधा हवाई उडान भए पाकिस्तानबाट नेपालमा जिहादी तथा आतंकीहरूको घुसपैठ हुनसक्ने सम्भावना बढ्न सक्ने जनाएको छ । विज्ञप्तीमा भनिएको छ “यसले नेपालको राष्ट्रिय सुरक्षामा पनि प्रत्यक्ष असर पार्न सक्ने हुँदा यस सन्दर्भमा सचेत हुँदै काठमाडौ–कराची सिधा उडान नगर्न नगराउन सबै सरोकारबाला निकायलाई हार्दिक अपिल गर्दछौं ।”
विज्ञप्ती मार्फत यादवले काठमाण्डौ–कराँची हवाई उडान सम्बन्धी प्रस्ताव कार्यान्वयनको लागि विभिन्न कुटनैतिक तथा सरकारी निकायहरूमार्फत उहाँको प्रयासहरूप्रति राष्ट्रिय एकता अभियानको गम्भिर ध्यानाकर्षण भएको जनाएको छ ।
हालै मात्र अफगानिस्तानलाई पुर्ण नियन्त्रण तालिवानले लिएको घट्नाबारे विज्ञप्तीमा उल्लेख गर्दै सो क्षेत्र आतंकवादी रउग्रवादीहरूको लागि ’सेफ हेभन’ बन्न गएको संयुक्त रास्ट्रसंघले पटक पट्क बताउदै आएको अवस्थामा पनि नेपालले यस्तो प्रस्ताव कार्यान्वयन नगर्नु नै राष्ट्रहितमा छ भन्ने उल्लेख गरेको छ ।
“अफगानिस्तान र पाकिस्तानको सिमा वारपार अबैध आवागमन हुने गरेको र त्यस क्रममा अफगानिस्तानबाट तालिवानलगायत अन्य विभिन्न आतंकी संगठनहरूका सदस्यहरू पाकिस्तानमा घुसपैठ गर्दै आएका र अलकायदा प्रमुख ओसामा बिन लादेनलाई अमेरिकी सेनाले पाकिस्तान मै लुकेको बसेको तथ्य पनि नविर्सन आग्रह गरेको छ ।”
नेपाल हिन्दुबाहुल्य देश भएको र हवाई सेवा संचालनमा आए यहाँका हिन्दुहरु जिहादीहरुको निशानामा पर्ने सम्भावना प्रति अभियानले विज्ञप्ती मार्फत सचेत गराएको छ ।
