वीरगंज । इलाका प्रहरी कार्यालय, सिमरौनगढ बारामा कार्यरत प्रहरी नायब निरीक्षक विरुद्ध भ्रष्टाचार मुद्दा दायर भएको छ ।
महतोले झुटो विवरण पेश गरी भ्रष्टाचार गरेको आरोपमा विशेष अदालतमा मुद्दा दायर भएको छ ।
मंगलबार अख्तियार दुरुपयोग अनुसन्धान आयोगले महतोविरुद्ध झुटो विवरण पेश गरी भ्रष्टाचार गरेको भन्दै विशेष अदालतमा मुद्दा दायर गराएको प्रवक्ता नारायण प्रसाद रिसालले जानकारी दिए ।
महतोले नेपाल प्रहरीमा भर्ना हुने बेलामा आफ्नो नागरिकता र एसएलसीको प्रमाणपत्रमा जन्म मिति सच्चाइ किर्ते गरी प्रहरीमा भर्ना भएको उजुरी परेपछि अख्तियारले अनुसन्धान थालेको थियो ।
अनुसन्धानमा महतोले जन्म मिति सच्याएर राष्ट्रसेवकको ओहदामा रही नेपाल सरकारलाई हानी पुर्याउने उद्देश्यले बदनियतपूर्ण तबरबाट भ्रष्टाचारजन्य कार्य गरेको प्रमाणित भएको अख्तियारले जनाएको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
