०७२ को भूकम्प पश्चात् हामी सबैलाई आफ्नो अवस्था र भूकम्प जोखिम न्यूनीकरणको राम्रो ज्ञान भयो । कतिले त बलियो घर निर्माण र उचित जग्गा छनौटको समेत वाचा पनि गरे। भूकम्पका बारेमा धेरै कुरा गरिए , सुनिए तर अहिले सम्म पनि असन, इन्द्रचोकका घरहरू उस्तै छन् । क्षणिक त्रासमा रहने र भुल्दै जाने हामी सबैको बानी हो ।
यसपटक पनि कुनै तयारी र पूर्वानुमान बिना नै लकडाउन शुरु भयो । सरकार लकडाउन गरेर स्वास्थ्य सामग्री खरिद तिर अलमलियो ।विस्तारै आफ्नै आन्तरिक समस्यामा फस्यो । लकडाउनका केही दिन सबै घर त बसे तर रोजीरोटी सकिए पछि बाहिर निस्कन बाध्य भए । सरकारले लकडाउनको समयमा जनताको आधारभूत आवश्यकता टार्ने किसिमको कोरोना नियन्त्रणमा ठोस योजना ल्याएन वा ल्याउन सकेन । एकातिर सरकारले नियम बनाउदै गयो , अर्काेतिर जनता नियम मिच्दै गए । सरकारले लकडाउन , सटडाउन जे भने पनि राम्रो सँग कार्यान्वयन गरेन वा गर्न सकेन ।
यसपटकका निर्णयहरू हेर्दा हामीमा यस्ता जोखिम नियन्त्रण गर्नको लागि आवश्यक शिक्षा, नैतिकता,दायित्व र जिम्मेवारी केही पनि छैन भन्ने अनुभूति गर्न सकिन्छ ।
जाडो याम नजिकिदै जाँदा यसै पनि न्युमोनिया जस्ता रोगहरूको संक्रमण बढ्ने हुनाले हामी अझै बढी संवेदनशील र सचेत हुनु पर्दछ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
