भ्रष्ट मुख्यमन्त्रीलाई कारबाही गर भन्दै जनमत पार्टीले घेर्यो अख्तियारको कार्यालय

काठमाडौं । डा. सीके राउत नेतृत्वको जनमत पार्टीका नेता–कार्यकर्ताले आज अख्तियार दुरुपयोग अनुसन्धान आयोगको कार्यालय बर्दिबास पुगेर घेराउ र प्रदर्शन गरेका छन् ।

भ्रष्टाचारीहरुमाथि कारबाही अगाडी बढाउन माग गर्दै राउतका कार्यकर्ताले अख्तियारको कार्यालय घेराउ गरेका हुन् । उनीहरुले अख्तियारको कार्यालय अगाडी भ्रष्ट मुख्यमन्त्री लालबाबु राउतलाई कारबाही गर, भ्रष्टाचारका फाइलहरु दर्ता गर जस्ता नारा समेत लगाएका थिए ।

भ्रष्टाचारको आरोपमा नियन्त्रणमा लिएका फाइलहरुमाथि कारबाही अगाडी बढाउनुपर्ने भन्दै जनमत पार्टीले अख्तियारमा ज्ञापनपत्र समेत बुझाएको छ । भ्रष्टाचारीमाथि कारबाही अगाडी नबढाए कडा आन्दोलनमा उत्रने ज्ञापनपत्रमा चेतावनी दिइएको छ ।