गंगामायाको स्वास्थ्यप्रति गम्भीर हुन मानव अधिकार आयोगको आग्रह

भेटपछि टोलीले गंगामायाको शरीरमा आवश्यक पोषकतत्वको कमी तथा नसा साँघुरिएको कारण जुनसुकै बेला पनि स्वास्थ्यमा गम्भीर समस्या आउनसक्ने भन्दै उनको आईसीयूमा राखेर उपचार गर्न अस्पताललाई निर्देशन दिएको छ ।

टोलीले न्यायको लागि जीवन जोखिममा बनाउने आमरण अनसनको बाटो नरोज्न गंगामायालाई समेत आग्रह गरेको आयोगका प्रवक्ता डा. टीकाराम पोखरेलले जानकारी दिए ।

छोरा कृष्णप्रसाद अधिकारीको हत्यामा संलग्न दोषीमाथि कारबाहीको माग गर्दै लामो समयदेखि अनसनरत गंगामाया पछिल्लो समय पुस पहिलो सातादेखि आमरण अनसनरत छिन् ।