काठमाडौँ : काठमाडौं महानगरपालिकाका मेयर विद्यासुन्दर शाक्यले जनतामा केन्द्रीत भएर काम गर्न कर्मचारीहरुलाई निर्देशन दिनुभएको छ ।
काठमाडौं महानगरपालिकामा कार्यरत मजदूर संगठन, नेपाल यातयात स्वतन्त्र मजदूर संगठन, (कामपा ईकाई) र अखिल नेपाल यातयात स्वतन्त्र मजदूर संघ (कामपा ईकाई) को एकता कार्यक्रममा उहाले महानगर जनसेवा गर्ने थलो भएको भन्दै जनतामा केन्द्रीत भएर काम गर्न कर्मचारीहरुलाई निर्देशन दिनुभएको हो । राजनीतिक र जागिर व्यक्ति केन्द्रित, राजनीति केन्द्रित परिवार केन्द्रित हसन नहुने भन्दै उहाले समाजलाई केही दिने भावनाले संगठनमा लाग्न सुझाव पनि दिनुभयो । उहाले कर्मचारीभित्र खुट्टा तान्ने प्रवृति देखिए त्यसले विकृति सिर्जना गर्ने भन्दै अवसर सिर्जना गर्न केन्द्रीत हुनुपर्नेमा जोड दिनुभयो । उहाले कर्मचारीको सेवा सुविधामा महानगरले कुनै भेदभाव नगर्ने स्पष्ट पार्नुभयो ।
शाक्यले सबै कर्मचारीहरुको समाज ढंगबाट उपचार गर्ने प्रतिवद्धता समेत जनाउनुभयो ।
