करारका इन्जिनियर डोमि यादबको अकुत सम्पति : ७ बर्षमा १२ ठाउँमा जग्गा जमिन र झण्डै २० करोडको सम्पति

करार इन्जिनियर भएर सरकारी सेवामा प्रवेश गरेको ७ वर्षमा काठमाडौँ सहित १२ स्थानमा जग्गा किन्न सफल भएको इन्जिनियर माथि अख्तियार दुरुपयोग अनुसन्धान आयोग र सम्पति शुद्धिकरण आयोगमा अकूत सम्पतिको मुद्दा दायर भएको छ ।

स्थानीय तह गठन भएको वि.सं. २०७४ सालको स्थानीय चुनावपछि करार सेवाको करार इन्जिनियरमा प्रवेश गरेका सुखीपुर नगरपालिका वडा नम्बर ७ स्थायी घर भएका इन्जिनियर डोमी यादवले काठमाडौँ लगायत १२ स्थानमा घर जग्गा खरिद गरेको प्रमाण सहित खुलासा भएको छ।

सिरहा जिल्ला सुखीपुर नगरपालिकाका करार इन्जिनियरको रुपमा कार्यरत यादवले ७ वर्षमा काठमाडौँ, गोलबजारमा घडेरीसहित घर र बिभिन्न फरक फरक स्थानमा करोडौँको जग्गा लगायत केहि ट्रिपर जोडेको सम्बन्धमा पक्राउ गरी छानबिन गर्न अख्तियार दुरुपयोग अनुसन्धान आयोग तथा सम्पति शुद्धिकरण आयोगमा मुद्दा दायर गरिएको हो ।

इन्जिनियर यादवले काठमाडौँ उपत्यका भित्र ललितपुरमा २ किता, किता नम्बर ४०४५ र २०७२ को जग्गा उपत्यका भित्र रहेको र उक्त जग्गाको हालको मूल्य झन्डै ६ करोडको रहेको अनुमान समेत गरीएको छ।

क्रमश किता नम्बर ११९२ र ११९१ , गोलबजारमा नगरपालिका भित्र रहेको अन्दाजी मूल्य झन्डै २ करोडको रहेको र गोलबजारको मुख्य स्थानमा १७ धुर जग्गामा अन्दाजी ५ करोडको घर रहेको खुलेको छ। साविक सिरहाको सिग्राही मटिअर्वामा रहेको जग्गाको किता नं १०१९ र १०१८ रहेको छ। उक्त जग्गाको अन्दाजी १ करोड रहेको छ।

कित्ता नम्बर यकिन नभएको लाहानमा २ किता रहेको जग्गा अनुमानित रकम २ करोडको रहेको छ। जग्गाको कित्ता नम्बर यकिन नभएको गोलबजार चौकमा रहेको १७ धुरमा घर रहेको जग्गाको अन्दाजी रकम २ करोड रहेको छ। साथै, बिभिन्न व्यक्तिसंग ५ करोड भन्दा बढीको कपाली तमसुक र बैँक चेक राखेको समेत निवेदनमा उल्लेख गरिएको छ।

इन्जिनियर यादवको श्रीमती मनिषा यादव र सासु रेखा यादवको नाममा रहेको २ ओटा ट्रिपर रहेको तथा सो ट्रिपर नगरपालिकाको काम काजमा प्रयोग गरि मोटो रकम निकासा गर्ने गरेको पाइएको छ।

नगरपालिकाको सम्पूर्ण निर्माण र बजेट चलाउने काम निरन्तर रुपमा यादव आफुले नै हेर्दै आएको र खुलेआम कमिसनको बार्गेनिङ गर्दै आएको र सबै ठेक्का पट्टा आफन्तको निर्माण व्यवसायलाई पालिकाको कागज पत्र मिलोमतो गरि रकम निकासा गरेर असुली गर्दै आएको खुलेको छ।

एक गोप्य श्रोतका अनुसार, ठूला–ठूला नेताहरूको मिलोमतो र संरक्षणमा इन्जिनियर यादव अकूत सम्पति कमाउन सफल भएको बताउँछन्‌। साथै उक्त नेताहरूलाई चुनावको समय र बेला बखतमा चन्दा दिदैँ आफ्नो हालीमुहाली कायम राखेको श्रोतको दाबी छ।

उल्लेखित किता नम्बरको घर र जग्गा अधिकांश सम्पति आफ्नो श्रीमती मनिषा यादव, सासु रेखा कुमारी यादव लगायत आफन्तको नाममा लुकाएर पछि बकस पत्र गरि सम्बन्धित निकायलाई समेत झुकाएर आफूलाई दानमा आएको भन्दै आफ्नो र घर परिवारको नाममा राखेको प्रमाण सहित फेला परेको छ।

निज र निजको परिवार र ससुराली पट्टिको सम्प्रुण व्यक्तिहरूको बैंक खातामा झन् बढी रकम हुन सक्ने श्रोतले दाबी रहेको छ।

स्रोतलाई गम्भीर क्षति हुन सक्ने भएकोले यस समाचारमा श्रोत गोप्य राखिएको छ । (प्रमाण सुरक्षित छ) enewsbureau