संजय यादव, आश्विन १९
गोलबजार, सिरहा : डिभिजन वन कार्यालय लहान, सिरहाका प्रमुख सुभाषचन्द्र दासले संघर्ष समितिको माँग जायज रहेको र माँग कार्यान्वयनको प्रकृया अगाडी बढाई सकेको बताए । कार्यालय प्रमुख दासले रेडियो आकाशगंगा एफएम गोलबजारका पत्रकार संजय यादवसंगको कुराकानीमा यस्तो बताए ।
प्रमुख दासले भने, अब हामी चाँडै नै तीब्र गतीका साथ अगाडी बढी साकारात्मक परिणाम हात पार्नेतिर लम्कि सकेको समेत बताए । सरकारी जग्गा संरक्षण अभियान संघर्ष समिति गोलबजार नगरपालिका ९ र १० ले सोमबार सिरहाको लहानस्थित वन कार्यालय परिसरमा धर्ना दिएको छ ।
सरकारी वनका जग्गा अतिक्रमण भएपनि सम्बन्धित निकाय मौन देखिएकाले आन्दोलित भएको समितिका एक सदस्य लक्ष्मण प्रसाद यादवले बताए । उनले सरकारी राष्ट्रिय वनको जग्गा भुमाफियाहरुले लालपुर्जा बनाएको र सो लालपुर्जा बदरका लागि सम्बन्धित निकायमा पटक पटक ध्यानाकर्षण गराउँदा पनि वेवास्ता गरेको गुनासो गरे । उनले किता नम्बर ८ (क)को ४२० को श्रेस्ता, लेखत र दर्ता बदर किन नगरेको, किता नं २०२, २०६ तत्कालिन सुकुम्बासी समस्या सामाधान आयोगले बितरण गरेको जग्गा मारुती सिमेन्ट फैक्ट्रीको संचालक मनोज गोयल र अनुज राखीको नाउँमा कसरी पास भयो, तत्कालिन सुकुम्बासी समस्या सामाधान आयोगले २०५८ को निर्णय पुस्तिका सार्बजनिक किन नगरेको, वनको जग्गा किर्ते लालपुर्जा बनाएको फिर्ता हुनुपर्ने, भूमाफियाहरुलाई सहयोग गर्ने वार्ड नं का वडा अध्यक्षलाई अझ कि कार्यवाही भएन लगायतको माँग राखी संघर्ष समिति आन्दोलित बनेको समितिका संयोजक चन्देश्वर पासमानले बताए ।
संयोजक पासमानले भने, भूमाफियाहरुलाई कानूनको फन्दामा जसरी पनि ल्याई कडा सजायको भागिदार बनाई जनताको अगाडी नंगाझार गरेरै छोडने र माँग पुरा नहुनुजेल संघर्ष जारी रहने दावी गरे । । संघर्ष समितिले असोज २१ गते जिल्ला मालपोत कार्यालय अगाडी प्रदर्शन गर्ने कार्यक्रम पनि घोषणा गरेको छ । यस्तै असोज २२ गते जिल्ला प्रशासन कार्यालय अगाडी धर्ना र असोज २३ गते गोलबजार नगरपालिकाको कार्यालय अगाडी पनि धर्ना दिने जनाएको छ ।
