इस्लामावाद । पाकिस्तान प्रशासित काश्मीरका स्थानीयहरुले यस क्षेत्रको शिक्षा प्रणालीमा गम्भीर संकटको सामना गरिरहेका छन्। धेरै मुद्दाहरूमा विरोध गरिरहेका उनीहरुले पाकिस्तानले पीओकेममा दोषपूर्ण शिक्षा प्रणाली लागु गरेको भन्दै व्यापक आन्दोलनको तयारी गरिरहेका छन्।
गुणस्तरीय सुविधाको अत्यावश्यकताका बाबजुद पनि शिक्षा क्षेत्रमा कार्यरत विद्यार्थी तथा कर्मचारीलाई आधारभूत अधिकारबाट वञ्चित गरिँदै आएको छ। बढ्दो मुद्रास्फीतिको बीचमा पीओकेमा शिक्षण र प्रशासनिक कर्मचारीहरूले उनीहरूको लामो समयदेखि बाँकी तलब वृद्धिको माग गरिरहेका छन्।
‘जनजीवन कष्टकर बनेको छ। यस क्षेत्रको सबैभन्दा ठूलो विभाग शिक्षा विभाग हो, जसका कर्मचारीहरू यहाँ अधिकांश आन्दोलनहरूमा संलग्न हुन बाध्य छन्। शिक्षाको नाममा बलियो माफियाले व्यापार गरिरहेको छ, जसको मारमा श्रमिकहरू परिरहेका छन्। निजी विद्यालयका मालिकहरू सेवानिवृत्त नौकरशाहहरू हुन्, जसको सरकार भित्र पर्याप्त प्रभाव छ,’ पीओकेका पत्रकार इश्तियाक मीरले समाचार एजेन्सीलाई भने।
प्राज्ञिक कर्मचारीले लामो समयदेखि संघीय र क्षेत्रीय सरकारलाई अनुरोध गर्दै आए पनि कुनै परिणाम हात पर्न सकेको छैन। पीओकेमा विद्यार्थीहरूले भर्खरै शुल्क वृद्धिको विरोधमा पनि प्रदर्शन गरिरहेका छन्।
