काठमाडौं = जनता समाजवादी पार्टी (जसपा) का अध्यक्ष उपेन्द्र यादवले गौर हत्याकाण्डमा आफूलाई निशाना बनाए गठबन्धन छाड्ने चेतावनी दिएका छन् ।
सोमबार प्रधानमन्त्रीको सरकारी निवास बालुवाटारमा बसेको गठबन्धनको बैठकमा उनले यस्तो चेतावनी दिएका हुन। गौर हत्याकाण्डबारे छानबिन भए आफूहरुले सरकार र गठबन्धन छाड्ने उपेन्द्रले चेतावनी दिएका हुन।
‘गौर हत्याकाण्डका बारेमा कुरा उठ्यो। जसपाका साथीहरूले हामीलाई गठबन्धनमा यसरी नै टार्गेट गरिरहने हो भने गठबन्धनमा रहने, नरहने सोच्नुपर्छ भन्नेखालको शंकास्पद कुरा व्यक्त भएको छ’ एकीकृत समाजवादीका उपाध्यक्ष राजेन्द्रप्रसाद पाण्डेले भने–‘कानूनसम्मत ढंगले टुंग्याउने कुरा भएको छ ।’
यादवले आफु समस्यामा पर्ने भएपछि यस्तो धम्की दिदै आएका उदाहरण छन्। तर, उनी सरकार छोडेर झन ठुलो खतरा मोल्न भने तयार छैनन्। सरकार र गठवन्धन छोडे अनुशन्धानमा झन पेलिने डरले उनी धम्क्याउँदै गर्ने तर निस्केर नजाने सोचमा रहेको राजनीतिक विश्लेषकहरु वताउँछन्।
यसअघि ०७६ सालमा एमाले नेता केपी शर्मा ओलीको मन्त्रीमण्डलमा पनि अध्यक्ष यादवले पटक पटक सरकार छोड्ने धम्की दिएका थिए। तर, ‘निस्केर गए हुन्थ्यो’ भन्ने बातावरण सृजना गर्दा पनि पद नछोडेपछि उनलाई मालदार मन्त्रालयबाट कम रोजाईमा पर्ने मन्त्रालयमा सारेर थन्थ्याईएको थियो।
उनी नयाँ दिल्ली पुगेका वेला ओलीले उनलाई उपप्रधान एवम् स्वाथ्य मन्त्रीबाट घटुवा गरेर कानून मन्त्रालयमा थन्क्याएका थिउ। सत्ताभन्दा बाहिर बस्नै नसक्ने अवस्थामा पुगेका मन्त्री यादव घटुवामै परेपनि मन्त्री बनेर बसिरहने । नेपालआज
