एजेन्सी : पाकिस्तान स्वतन्त्र भएको अगस्त १४ मा ७३ वर्ष पूरा भएको छ । तर, पाकिस्तानका खैबर पख्तुख्वा, बलुचिस्तान, सिन्ध, गिलगिट बलिचस्तान र अन्य क्षेत्रका नागरिकहरु अझै स्वतन्त्रता दिवसलाई उत्सवका रुपमा मनाउन सकेका छैनन् ।
पाकिस्तानी पत्रकार मार्भी सिर्मेड, “स्वतन्त्रता भएको ७३ वर्ष पूरा भइसक्दा पनि पाकिस्तानका अधिकांश क्षेत्रमा मानिसहरु अझै स्वतन्त्रताका लागि संघर्ष गरिरहेका छन् । खैबर पख्तुख्वा, बलुचिस्तान, सिन्ध, गिलगिट बलिचस्तानलगायतका क्षेत्रहरु र पाकिस्तान प्रशासित काश्मीरलगायतका एक हजार मानिसहरु सरकारी पक्षबाट बेपत्ता पारिका छन् ।”
पाकिस्तानका अल्पसंख्यम समुदायले अझै पनि उत्पीडनको सामना गर्नु परेको छ । पाकिस्तानका हिन्दू, अहमदी, शिख र क्रश्चियनहरुमाथि हेर्ने सरकारको दृष्टिकोणमा परिवर्तन भएको छैन ।
प्रधानमन्त्री इमरान खानले काश्मीरको मुद्दामा आफू कटिबद्ध भएको बताइरहँदा पेसावरमा एक अहमदी अल्पसंख्यकको गोली हानी हत्या गरिएको थियो ।
सिन्ध प्रान्तलगायतका क्षेत्रमा बेपत्ता पारिएका मानिसहरुको रिहाइको माग गर्दै पाकिस्ता र विदेशस्थित पाकिस्तानी नियोगहरुमासमेत आन्दोलन र प्रदर्शन गरिएका छन् ।
पाकिस्तानी प्रहरीले आन्दोलनलाई दबाउनका लागि प्रदर्शनमा सहभागी व्यक्तिहरुलाई समेत नियन्त्रणमा लिइएको थियो ।
