नयाँ दिल्ली । भारतमा कोरोना महामारीको नयाँ भेरियन्टको संक्रमण तीव्ररुपमा वृद्धि भएपछि देशभरको स्वास्थ्य प्रणालीमाथि नै चुनौती सिर्जना गरेको छ । कोरोना प्रकोपको दोस्रो लहर फैलिएसँगै भारतका अस्पतालहरु भरिएका छन् भने स्वास्थ्य उपकरणको अभाव सिर्जना भएको छ । तर, उक्त नयाँ भेरियन्ट कसरी फैलियो भन्ने विषयमा विभिन्न अध्ययन र अनुसन्धानहरु भइरहेका छन् ।
चीनको वुहानबाट सन् २०१९ को डिसेम्बरमा फैलिएको कोरोनाको प्रकोप करिब डेढ वर्षसम्म पनि पूर्ण नियन्त्रणमा आउन नसक्नुले चीनमाथि थप प्रश्नहरु उब्जिएका छन् । चीनले जैविक प्रयोगशालामा यो भाइससको विकास गरेको आरोप लगाइरहेका समयमा भारतमा देखिएको नयाँ भेरियन्टको प्रकोपले थप प्रश्नहरु सिर्जना गरेको हो ।
हाल चीनमा कोरोना महामारी नियन्त्रणमा आइसकेको दाबी गरिएको छ । कोरोनाविरुद्धको खोप विकास भइसकेपछि विश्वभर नियन्त्रण हुन लागेको कोरोनाको नयाँ भेरियन्ट देखा परेसँगै चीनमाथि फेरि प्रश्न उब्जिएको छ ।
एक काश्मीरी अधिकारकर्मीसमेत रहेका पत्रकार साजिद युसुफ शाहले चिनियाँ कम्युनिस्ट पार्टीका जासुसहरुले भारतमा नयाँ भेरियन्ट फैलाएको आरोप लगाएका छन् । उनले ट्विटरमार्फत भनेका छन्, नेपाली सीमा हुँदै भारत प्रवेश गरेको चिनियाँ एजेन्टहरुले कोरोना महामारीको नयाँ भेरियन्ट भारतमा फैलाएपछि कोरानाको कहर सिर्जना भएको छ । दुई दिनअघि चिनियाँ जासुसहरुले पनि कोरोनाको नयाँ भेरियन्ट भारतमा फैलाएको स्वीकार गरेका थिए ।ू
यस विषयमा भारतीय सञ्चारमाध्यम आईएफई न्युज नेटवर्कले अनुसन्धान गरिरहेको र केही तथ्यहरु पत्ता लागेकोसमेत दाबी गरिएको छ । चीनले जैविक युद्ध गर्न यस किसिमको भाइरसको विकास गरेको भन्ने आरोप उसका गतिविधिहरुबाट पुष्टि हुँदै गइरहेको छ । चीनले कोरोना महामारीकै बीच भारतसँग सीमा क्षेत्रमा तनाव सिर्जना गर्यो । उक्त सीमा विवाद समाधानका लागि भारतको पहलमा चीन तयार देखिए पनि भारतले चिनियाँ एपहरुमा लगाएका प्रतिबन्धको बदला लिनका लागि उक्त भाइरसको नयाँ भेरियन्ट भारतमा फैलाएको पाइएको हो ।
कोरोना महामारीको पहिलो लहरका समयमा अमेरिकालाई सबैभन्दा बढी प्रभावित गरेकोमा दोस्रो लहरको केन्द्रमा भारत परेको हो । चीनले आफ्ना प्रतिस्पर्धी शक्ति राष्ट्रहरुलाई जैविक युद्धमार्फत थिलथिलो पार्ने र आफ्नो व्यापारलाई विश्वभर फैलाउने चिनियाँ रणनीति रहेको विज्ञहरुले बताइरहेका छन् ।
कोरोना महामारीको दास्रो लहर सुरु हुनुभन्दा अघिसम्म भारतले कोरानाविरुद्धका स्वास्थ्य उपकरण र खोपहरु दक्षिण एसियसहित विश्वका अधिकांश मुलुकहरुमा उपलब्ध गराउँदै आएको थियो । जसले गर्दा चिनियाँ खोपको बजारमा संकुचन आएको थियो । तर, चिनियाँ जासुसहरुमार्फत भारतमा दोस्रो लहर फैलिएसँगै भारतको औषधि निर्यातमा गिरावट आएको छ भने भारतलाई नै सहयोगको आवश्यकता परिरहेको छ ।
कोरोनाको दास्रो लहर पाकिस्तानमा नफैलिनु र भारतमा मात्रै फैलिनुले भने यो भाइरसलाई नियोजितरुपमा भारतलाई केन्द्रमा फैलाएको पुष्टि गर्दछ । भारतबाहेकका अन्य मुलुकहरुमा कोरोना भाइरसविरुद्धका सबै स्वास्थ्य प्रोटोकलहरु पूर्णरुपमा पालना गरिएका कारण कम फैलिएको भन्ने होइन । अन्य मुलुकहरुमा पनि स्वास्थ्य प्रोटोकलहरुको उल्लंघन भएको छ तर बढी प्रभावित भारत नै रहेको छ ।
भारतमा कोरोनाको नयाँ डबल म्युटेन्ट भेरियन्ट देखिनुभन्दा केही दिनअघि चार जना चिनियाँ जासुसहरुलाई भारतीय प्रहरीले नियन्त्रणमा लिएको थियो । उनीहरुको स्वाब परीक्षणका क्रममा डबल म्युटेन्ट भेरियन्ट देखा परेको थियो । यसरी हेर्दा यो भाइरसको संक्रमण भारतमा पनि चिनियाँहरुले नै फैलाएको कुरातर्फ डोर्याउँछ । यस विषयमा भारत सरकारले थप अनुसन्धान गर्न आवश्यक छ । नेपालमा पनि यो भाइरसले संकटको स्थिति सिर्जना गरिरहेको छ ।
