संजय यादव, सिरहा
फागुन ९, आईतबार
जनता समाजवादी पार्टी नेपाल (जसपा) सिरहामा व्यापक असन्तुष्टि रहेको खबरहरु बाहिर आएको छ । जसपा गोलबजार नगरमा पूर्व समाजवादी पार्टी र राष्ट्रिय जनता पार्टी नेपाल बीच पार्टीको सिद्धान्त, नीति र विधान विपरित समायोजन गरेपछि विवाद बाहिर आएको बुझिएको छ । गोलबजार नगरमा भएको समायोजन दुई पार्टी वीच नभई सीमित व्यक्ति र गुटबीच समाहित भएको जसपा नेपाल अध्यक्ष मण्डील सदस्य मनोज कुमार सिंहको कथन रहेको छ । पूर्व राजपा नेपाल अध्यक्ष मण्डलको सदस्य तथा सहजकर्ता रामदयाल यादवलाई सहजकर्ताको भूमिका बाट हटाई रामलोचन ठाकुरलाई सहजकर्ताको कार्य गर्न राजपा नेपालको अध्यक्ष मण्डल द्वारा निर्णय गरिएको अध्यक्ष मण्डलीय सदस्य मनोज कुमार सिंहले बताए । गोलबजार नगरमा समायोजनको नाउँमा गरिएको गुटको खेतीलाई घोर निन्दा पनि गरेको बताए ।
पूर्व राजपा र सपा बीच कुनै व्यक्ति सँग नभई राजपा नेपाल र सपा नेपाल बीच समायोजन गर्न गराउने राजपा अध्यक्ष मण्डलद्वारा निर्णय गरिएको छ । अध्यक्ष मण्डलीय सदस्य मोहम्मद मुस्ताक, सर्व नारायण झा, मनोज कुमार सिंह र रामलोचन ठाकुरद्वारा हस्ताक्षरित संयुक्त प्रेस विज्ञप्तीमा भनिएको छ, ूपूर्व राजपा नेपालको मिति २०७७ फागुन १ गते बसेको बैठकद्वारा समयोजन कार्य स्थगित गर्ने निर्णय हुँदाहुँदै राजपा अध्यक्ष मण्डलको सदस्य तथा सहजकर्ता रामदयाल यादवले सपा नेपालका नेताहरुसँग मिलोमतो गरी पूर्व राजजपाका विपक्षमा गोलबजार नपाको समायोजन तथा एकलौटी र निन्दनीय कार्य गरेको हुँदा रामदयाल यादवलाई सहजकर्ताको भूमिका बाट बन्चित गरि रामलोचन ठाकुरलाई सहजकर्ताको कार्य गर्न राजपा नेपालको अध्यक्ष मण्डल द्वारा निर्णय गरिएको छ र सपाका नेताहरुलाई यस्ता व्यक्तिसँग नभई राजपा नेपाल र सपा नेपाल बीच समायोजन गर्न गराउन यो विज्ञप्ति जारी गरिएको छू। गोलबजार नगरमा समायोजनको समर्थन भन्दा असन्तुष्ट पक्ष कै हालीमुहाली र बर्चस्व रहेको जसपाका युवा नेता संजिब कुमार यादवको कथन रहेको छ । नेता यादवले भने, ईंटको जवाफ ढुंगाले दिने बताउदै गोलबजार नगरमा जसपाको समानान्तर नगर समिति गठनको तीब्र तयारी भईरहेको र एक दुई दिन मै गठन हुने समेत बताए ।
