सिरहा । प्रधानमन्त्री केपी शर्मा ओलीलाई विद्यार्थीहरुले सोमबार सिरहामा कालोझण्डा देखाएका छन् । तत्कालीन एमाले नेता हेमनारायण यादवको १७ औं स्मृति दिवसका अवसरमा आयोजित कार्यक्रममा सहभागी हुन सिरहा आएका प्रधानमन्त्री ओलीलाई सदरमुकाम सिरहा बजारमा नेकपाका प्रचण्ड–माधव पक्षका युवा तथा विद्यार्थीहरुले कालोझण्डा देखाएका हुन् । स्व.यादवप्रति श्रद्धाञ्जलि अर्पण गर्ने क्रममा प्रधानमन्त्री ओलीलाई विद्यार्थीहरुले कालोझण्डा देखाएका हुन् । प्रहरीले कालोझण्डा देखाउने ५÷६ युवा तथा विद्यार्थीलाई नियन्त्रणमा लिएको छ । उनीहरुलाई जिल्ला प्रहरी कार्यालय सिरहामा राखिएको छ ।
प्रचण्ड नेपाल समुहको प्रदेश न २ को प्रदेश कमिटी सदस्य चन्देश्वर यादव का अनुसार पक्राउ पर्ने हाम्रा कार्याकर्ता तथा विद्यार्थी नेताहरू रहेकोे जनाएका छन।
प्रदेश कमिटी सदस्य यादवले ,प्रतिगमन विरुद्ध सडकमा रहेको हाम्रा नेता कार्यकर्ता जिल्ला सदस्य रबिन्द्र साह प्रचण्ड नेपाल समुहका विद्यार्थी संयोजक भोला यादव,केन्द्रिय विद्यार्थी संयोजक पुजन सिंह युवा संघका राजेश यादव र अशानन्द यादवलाइ सिरहा प्रहरीले गिरफ्तार गरि हिरासतमा राखेको जनाएका छन। युवा नेता यादवले प्रदेश टाइम्स दैनिक संग बताउदै आफना कार्यकर्ताको रिहाई को मागँ पनि गरेका छन।
