काठमाडौं । प्रतिनिधि सभा विघटन गर्ने प्रधानमन्त्री केपी शर्मा ओलीको प्रतिगामी कदमको विरोधमा नेपाल कम्युनिष्ट पार्टी (नेकपा) ले आज (शनिवार) धनगढीमा शक्ति प्रदर्शन तथा विरोधसभा गरेको छ । धनगढीको चौराहलगायत आसपासका क्षेत्रबाट निस्किएको विशाल जुलस खुलामञ्च पुगेर विरोधसभामा परिणत भएकाे थियाे ।
विराेधसभालाई अध्यक्षद्वय पुष्पकमल दाहाल ‘प्रचण्ड’ र माधवकुमार नेपाल तथा नेकपा सुदूरपश्चिम इन्चार्ज भीम रावलले सम्बोधन गर्नुभयाे ।