नेपाल एक्सन, सिरहा
११ पुस, शनिवार
सिरहामा आतंकारी गतिबिधी गर्दै आएको एक जना सप्तरीबाट पक्राउ परेका छन् । आतंक र गुण्डागर्दी मचाउदै झण्डै आधा दर्जन अपराधका मुद्धा झेल्दै गरेका र आफुलाई १ नम्बरको डन भनाउने एक जना पक्राउ परेपछि स्थानियहरु राहत महसुस गर्न लागेको बुझिएको छ । समाजमा ब्यापक आतंक मच्चाउदै आएका अपराधीक उपद्रव अभियोगमा लुकिछिपी बस्दै आएका मिर्चैया नगरपालिका वार्ड नं ३ बीरपुर बस्ने खगेश्वर गोहिवारलाई सप्तरीको छिन्नमस्ताबाट प्रहरीले पक्राउ गरी बुधबार मिर्चैया प्रहरीलाई बुझाएको ईलाका प्रहरी कार्यालय मिर्चैयाका प्रमुख डिएसपी सन्तुलाल जयसवारले बताए । अभियोगी गोहिवारलाई जिल्ला अदालतबाट सात दिनको म्याद थप गराई थप अनुसन्धान भईरहेको प्रमुख डिएसपी जयसवारले बताए । झण्डै आधा दर्जन अपराध÷उपद्रब, ज्यान मार्ने, अंगभंग, डकैतीको मुद्धा खेपिरहेका गोहिवारलाई प्रहरीले हिरासतमा लिएपछि स्थानियहरु सहज महसुुस गर्न लागेको स्थानियहरुको कथन रहेको छ ।
बिगत केही बर्ष देखि अपराधिक गतिबिधी गर्दै आईरहेका गोहिवार पक्राउ परेपछि अपराधमा थप संलग्नहरुलाई पनि कानूनी दायरामा ल्याउने डिएसपी जयसवारले भने । समुदायमा चोरीडकैती, ज्यानमार्ने, अंगभंग, बलत्कार जस्ता घटना घटाउदै आईरहेका गोहिवार पक्राउ परेपछि स्थानियहरुले कडा भन्दा कडा सजायको माँग गरेको एक जना स्थानियलाई उद्धत गर्दै मिर्चैया नपा वार्ड नं ३ का वडा अध्यक्ष हरी नारायण यादवले बताए । वडा अध्यक्ष यादवले विकास निमार्णको काम होस् वा अन्य काममा पनि कमिसनको खेलमा सोझासाझा जनताहरुलाई धमक्याउने तर्साउने काम समेत गर्दै आईरहेको बताए । मिर्चैयाका ब्यापारीहरु पनि उसको करतुतबाट तंग्रिसकेको अवस्थामा पक्राउ परेपछि यहाँका ब्यापारीहरु पनि राहत महसुस गर्न लागिसकेको नाम नबताउने शर्तमा एक जना ब्यापारीले बताए ।
वडा अध्यक्ष यादवले भने, उसको धेरै करतुतहरु मध्ये केही दिन अगाडी आधारभूत विद्यालय राघोपुरमा भवन बन्दै गर्दा आफुले भनेकै कुरा र काम नभएपछि बलपूर्वक निमार्णमा संलग्न मिस्तिरी कामदारहरुलाई विनाकारण रामअवतार मण्डल लगायत आधा दर्जनलाई मारपीट गर्दै टाउको फोडदै सक्त घाईते बनाएको बताए ।
यता मिर्चैया नगरपालिकाका नगर प्रमुख श्रवण कुमार यादवले समाजमा यस्ता दण्डनीय र अपराधिक घटनाहरु घटाउदै समाजलाई नै आतंकित बनाई आफुलाई १ नमबरको डन साबित गर्ने गोहिवारको अपराधिक गतिबिधीको घोर निन्दा गर्दै कडा सजायको माँग गरेको छ । नगर प्रमुख यादवले शिक्षा र स्वास्थ्य जस्ता क्षेत्रलाई पनि आतंक बनाउने उसको करतुतबाट नगरका ब्यापारी कर्मचारी समेत तंग्रिसकेको अवस्थामा गोहिवार पक्राउ परेपछि यस भेगमा अपराधिक घटनामा कमी आउनेु विश्वास ब्यक्त गरे । वडा अध्यक्ष यादवले गोहिवार चोरडाकाहरुलाई समेत पाल्दै आएको र वडा कार्यालयमा रहेको खाने पानीको मोटर समेत उसैले चोर्न लगाएको कुरा बाहिर आएको बताए । गोहिवार १८ महिना जेल समेत बिताए पनि उसमा सुधार नआएको र अझ अदालतमा आधा दर्जन मुद्धा झेलिरहेका गोहिवारलाई कस्तो सजाय हुने स्थानियहरु समयको पर्खाईमा रहेको स्थानियहरुको कथन रहेको छ ।
