एस कुमार , ०६ पुष सोमबार
गोलबजार, सिरहा
जसपाले आज सिरहासहित देशव्यापी रुपमा प्रदर्शन गरेको छ। प्रधानमन्त्री केपी शर्मा ओलीको सिफारिसमा राष्ट्रपति बिद्यादेवी भण्डारीद्वारा गरिएको प्रतिनिधि सभा विघटनको विरुद्धमा सिरहाको गोलबजारमा गरिएको प्रदर्शनको कोणसभालाई जसपा केन्द्रीय सदस्य अशेश्वर यादवले सम्बोधन गर्दै भन्नुभयो मुलुकको राष्ट्रपति विद्यादेवी भण्डारीले निरिह भएर निर्लजतापुर्बक संसद विघटन गर्नु नेपाली जनतालाई उपहास गरेको छ।
त्यस्तै जसपा केन्द्रीय अनुशासन आयोग सदस्य डा.जयनारायण यादवले भन्नु भयो प्रधानमन्त्री केपी शर्मा ओलीले संसद विघटनको सिफारिस गर्नु र राष्ट्रपति जस्तो सम्मानित संस्थाले पनि सोच विचार नगरी राष्ट्रपति विद्यादेवी भण्डारीले संसद विघटन सिफारिसको सदर गर्नुले यो असंवैधानिक, अलोकतान्त्रिक र स्वेच्छाचारी कदमको संज्ञा दिनु भयो । त्यस्तै कोणसभामा विद्यार्थी नेता नागेश्वर राय समेतले बोल्नुभयो। सिरहाको १७ वटै पालिकामा जसपाले आज विरोध प्रदर्शन गरेको जसपा सिरहा अध्यक्ष अशोक यादवले वताउनु भयो।
