काठमाडौं । कामको सिलसिलामा भेटेका दुई युवाहरूलाई यौन दुर्व्यवहार गरेको आरोपमा अस्ट्रेलियाका पूर्व राजनीतिज्ञ ग्यारेथ वार्डलाई पाँच वर्ष नौ महिनाको जेल सजाय सुनाइएको छ।
सन् २०१३ र २०१५ मा भएका छुट्टाछुट्टै घटनाहरूमा एक युवकलाई बलात्कार गरेको र अर्कोमाथि अश्लील कार्य गरेको आरोपमा निर्णायक मण्डलले दोषी ठहर गरेपछि ४४ वर्षीय वार्ड जुलाईदेखि जेलमा छन्।
वार्डले २०११ देखि न्यु साउथ वेल्सको तटीय शहर कियामाको प्रतिनिधित्व गर्दै आएका थिए। आरोप लागेपछि उनले २०२१ मा मन्त्री पदबाट राजीनामा दिए, तर सांसद नै रहे र २०२३ मा पुन: निर्वाचित भए।
सजाय सुनाउने न्यायाधीश वार्डले यस मुद्दामा ‘कारावास बाहेक अरू कुनै सजाय उपयुक्त छैन’ भने।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
