काठमाडौं । अन्तर्राष्ट्रिय मुद्रा कोष (आइएमएफ) ले विश्वव्यापी अर्थतन्त्रको लागि आफ्नो नयाँ अनुमान प्रस्तुत गरेको छ।
मंगलबार, आईएमएफले भनेको छ – ‘२०२५ मा ट्यारिफ वृद्धि र अनिश्चितताका कारण आर्थिक वृद्धिमा उल्लेखनीय गिरावट आउनेछ।’
आफ्नो विश्वव्यापी प्रक्षेपणमा आईएमएफले यस वर्ष विश्व अर्थतन्त्र २.८ प्रतिशतको दरले बढ्न सक्ने बताएको छ। पहिले यो अनुमान ३.३ प्रतिशतमा राखिएको थियो।
अमेरिकाको आर्थिक वृद्धिको बारेमा आइएमएफले यो वर्ष १.८% हुन सक्ने बताएको छ जबकि पहिले यो २.७% हुने अनुमान गरिएको थियो।
यसैबीच, अन्तर्राष्ट्रिय मुद्रा कोषले यस वर्ष चीनको वृद्धि दर ४% हुन सक्ने बताएको छ। पहिले यो ४.६% हुने अनुमान गरिएको थियो।
यसले बेलायतको आर्थिक वृद्धिको पनि पूर्वानुमान गरेको छ, जुन अघिल्लो अनुमान १.६% बाट १.१% मा झर्न सक्छ।
अन्तर्राष्ट्रिय मुद्रा कोष एक महत्त्वपूर्ण संस्था हो जसले विश्व अर्थतन्त्रलाई स्थिर राख्न प्रयास गर्दछ।
यसले आर्थिक गतिविधिहरूको निगरानी गर्छ र सदस्य देशहरूलाई अर्थतन्त्रसँग सम्बन्धित सल्लाह दिन्छ।
आर्थिक संकटको सामना गरिरहेका देशहरूलाई आइएमएफले छोटो अवधिको ऋण र सहयोग प्रदान गर्दछ।
