राजतन्त्र फर्काउ महाअभियानको शुरु

171

धनुषा : जनकपुरधाम, कात्तिक १५ गते । राजतन्त्रको मांग गर्दै राष्ट्रवादी नागरिक समाजले प्रदेश २ मा अस्थायी राजधानी जनकपुरधामबाट राजतन्त्र फर्काउ महाअभियानको शुरुवात गरेको छ ।
शनिवार जनक चौकबाट रैली प्रदर्शन सहित नगर सभाको आयोजना गर्दै सो महाअभियानको शुरुवात गरेको हो । राष्ट्रवादी नागरिक समाजले राजधानी काठमाडौँबाट शुरु गरेको महाअभियान अन्तर्गत प्रदेश २ मा जनकपुरधामाट सुरुवात गरेको हो ।
जनक चौकबाट निकालेको रैली नगरको विभिन्न भागको परिक्रमा गर्दै पुनः जनक चौकमा पुगी कोण सभामा परिणत भएको थियो । नेपालको राष्ट्रिय झण्डा बोकेर रैलीमा सहभागीहरुले संघीय लोकतन्त्र खारेज गर, राजतन्त्रलाई पुर्नस्थापन गर, भ्रष्टाचार, महगाई र बलात्कार लगायतका घटना अन्त्य गर सहितका नारा लगाएका लगाए ।
नगर सभालाई सम्बोधन गर्दै राष्ट्रवादी नागरिक समाजको महाअभियानका संयोजक चन्द्र बहादुरले देशमा भ्रष्टाचार मौलाई रहेको, बलात्कार, हत्या हिंसा जस्ता घटनाहरु दिन दिनै बढदै गएकोले मुलुकमा शान्ति र समृद्धिका लागि राजा बाहेक अर्को विकल्प नरहेको बताए ।