भुटानका राजा वाङचुकले गरे स्वयम्भुमा पूजापाठ

काठमाडौं । भुटानी राजा जिग्मे खेसर नाम्गेल वाङचुकले स्वयम्भुनाथ पुगेर पूजा अर्चनासहित दर्शन गरेका छन्।
निजी भ्रमणको सिलसिलामा काठमाडौं आएका भुटानका राजा वाङचुकले स्वयम्भुनाथ पुगेर पूजा गरेका हुन् ।
स्वयम्भुमा पूजा गरिसकेर उनी बौद्ध प्रस्थान गरेका छन्। भुटानका राजा वाङचुक आज बिहान त्रिभुवन अन्तर्राष्ट्रिय विमानस्थलमा ओर्लिंदा परराष्ट्रमन्त्री आरजु राणा देउवाले स्वागत गरेकी थिइन्।
भारतबाट स्वदेश फर्कने क्रममा काठमाडौँ आएका भुटानी नरेश आजै स्वदेश फर्किने परराष्ट्र मन्त्रालयले जनाएको छ ।
बौद्धनाथमा पनि पूजा गरिसकेपछि उनी त्रिभुवन अन्तर्राष्ट्रिय विमानस्थल हुँदै फर्किने कार्यक्रम छ ।