काठमाडौं । रुसले युक्रेनले अमेरिकाबाट प्राप्त लामो दुरीका क्षेप्यास्त्र पहिलो पटक आफ्नो भूमिमा प्रहार गरेको दाबी गरेको छ ।
रुसका रक्षामन्त्रीले युक्रेनले मङ्गलबार बिहान रुसको ब्रायनस्क क्षेत्रमा लामो दूरीको आर्मी टेक्टिकल मिसाइल सिस्टम (एटीएसीएमएस) मिसाइलहरू प्रहार गरेको बताएका छन्। रूसले पाँचवटा मिसाइल खसालेको थियो भने एउटामा क्षति पुगेको थियो ।
रुसको विदेश मन्त्रालयले क्षतिग्रस्त क्षेप्यास्त्रको भाग खसेका कारण उक्त क्षेत्रमा रहेको सैनिक शिविरमा आगलागी भएको जनाएको छ ।
युक्रेनी सञ्चारमाध्यममा पनि अमेरिकी मिसाइल प्रयोग भएको खबर आएको छ तर युक्रेनी सरकारले यसबारे अहिलेसम्म कुनै प्रतिक्रिया दिएको छैन ।
बाइडेन प्रशासनले सोमबार युक्रेनलाई रुस भित्र सीमित आक्रमणका लागि अमेरिकी सेनाको रणनीतिक मिसाइल प्रणाली प्रयोग गर्न स्वीकृति दिएको छ।
आर्मी टेक्टिकल मिसाइल सिस्टम अमेरिकी रक्षा कम्पनी द्वारा निर्मित एक सुपरसोनिक ब्यालिस्टिक मिसाइल प्रणाली हो।
अमेरिकाले यसअघि यस्तो आक्रमणलाई अनुमति दिन अस्वीकार गरेको थियो किनभने यसले ठूलो रुस-युक्रेन युद्ध निम्त्याउने डर थियो।
