काठमाडौं । काठमाडौंको लाजिम्पाटमा नुवाकोटका जग्गा व्यवसायी विक्रम लामामाथि अन्धाधुन्ध रड प्रहार गरिएको घटनामा संलग्न रहेको आरोपमा प्रहरीले थप एकजनालई पक्राउ गरेको छ । गोरखाका २९ वर्षीय निश्चल सुनुवारलाई पक्राउ गरिएको उपत्यका अपराध अनुसन्धान कार्यालयले जनाएको छ ।
सोही कार्यालयबाट खटिएको प्रहरी टोलीले उनलाई पक्राउ गरेको हो । शनिबार सुनुवारलाई झापाबाट पक्राउ गरिएको प्रहरीले जनाएको छ ।
लाजिम्पाटस्थित इनोभा अस्पतालको पार्किङमा गएको कात्तिक ११ गते जग्गा व्यवसायी लामामाथि अन्धाधुन्ध रड प्रहार गरिएको सीसीटीभी फुटेजमा देखिएको थियो ।
रड प्रहारबाट घाइते लामाको उपचार जारी छ । चक्रपथस्थित ग्रीन सिटी अस्पतालमा उनको उपचार भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
