धनुषामा प्रहरीमाथि आक्रमण गरेको आरोपमा तीनजनामाथि अभद्र व्यवहारविरुद्ध मुद्दा दर्ता भएको छ । धनुषाको शहीदनगर नगरपालिका ८ बिसरभोराका भुल्ला भन्ने शैलेन्द्र रोहिता, पप्पु भन्ने उदनकुमार रोहिता र अमरपति रोहितामाथि अभद्र व्यवहारसम्बन्धी मुद्दा दर्ता गरेको इलाका प्रहरी कार्यालय यदुकोहाका इन्स्पेक्टर चन्द्रकिशोर साहले जानकारी दिए ।
प्रहरीका अनुसार जग्गा विषयमा आफन्तसँगै विवाद भएपछि शैलेन्द्र रोहिताले सार्वजनिक सडक अवरुद्ध पारेका थिए ।
‘सडक खुलाउन इलाका प्रहरी कार्यालय यदुकोहाबाट प्रहरी टोली त्यहाँ पठाएका थियौं । सो क्रममा भुल्लासहित तीनै जनाले प्रहरीमाथि आक्रमण गरे । प्रहरी जवानलाई ड्युटीमा आए मारिदिने धम्कीसमेत दिए’ इन्सपेक्टर साहले भने ।
घटनापछि उनीहरु फरार रहेको र खोजबिन गरिरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
