काठमाडौं- नेकपा एमालेले सुन काण्डमा मुछिएको आरोप लागेका अर्थमन्त्री वर्षमान पुनलाई फिर्ता गर्न दबाब दिइरहेको छ। यसअघि नेकपा माओवादी केन्द्रका उपाध्यक्ष कृष्णबहादुर महरालाई पक्राउ गरिएसँगै सुन तस्करीका नायकेसँग अर्थमन्त्री पुनको राम्रो सम्बन्ध र टेलिफोन संवाद देखिएपछि नेकपा एमालेले अर्थमन्त्री पुनलाई फिर्ता गर्नका लागि दबाब बढाएको हो।
नेकपा एमालेको यस्तो दबाबका कारण प्रधानमन्त्रीसमेत रहेका नेकपा माओवादी केन्द्रका अध्यक्ष पुष्पकमल दाहाल प्रचण्ड सशंकित बनेका छन्। सोमबारको संसद् बैठकपछि प्रधानमन्त्री प्रचण्डले नेकपा एमाले अध्यक्ष केपी शर्मा ओलीलाई भेटका लागि समय माग गरे पनि भेटको लागि समय दिएन।
नेकपा एमाले र नेकपा माओवादी केन्द्रका अध्यक्षद्वय ओली र प्रचण्डबीच मतभिन्नता बढेको भन्दै दोस्रो तहका नेताहरुको भेटघाट पनि कमजोर बन्दै गएको छ। यसअघि नेकपा एमाले अध्यक्ष ओलीले प्रचण्डसँग कुनै हालतमा पनि सहकार्य गर्न नसकिने बताएका थिए। यद्पि नेपाली कांग्रेसले नैतिकताको राजनीति गरेको भन्दै आक्रोशित भएपछि नेकपा एमालेले माओवादीसँग सहकार्य गर्न बाध्य भएको थियो।
नेकपा एमाले अध्यक्ष ओलीले भेट नदिएपछि प्रधानमन्त्री प्रचण्ड गृहमन्त्री रवि लामिछानेलाई हटाउनका लागि नेपाली कांग्रेसले गरिरहेको आग्रहको खण्डन गर्दै लामिछानेको बचाउमा उत्रिएको छ। विगतमा अर्थमन्त्री जनार्दन शर्मा हुँदा देशको अर्थतन्त्र कमजोर भएको भन्दै नेकपा एमालेले विवादित र सुन तस्करीजस्तो अपराधमा मुछिएको व्यक्तिलाई मन्त्रालयको जिम्मेवारीमा राख्न नहुने अडानमा एमालेले राखेको छ।
त्यसैगरी नेकपा माओवादीका अध्यक्षसमेत रहेका प्रधानमन्त्री प्रचण्डपुत्री गंगा दाहालको टेलिकम घोटालामा काण्डमा नाम मुछिएपछि नेकपा एमालेका दोस्रो तहका नेताहरुले नै सरकारमा रहीरहेको अवस्थामा आफ्नो पार्टी थप कमजोर हुने बताइरहेका छन्। नेकपा एमालेमा नेता गोकुल बाँस्कोटाले सरकारले राम्रो काम गरेको दिनसम्म मात्रै सहकार्य गर्ने र एमालेलाई राम्रो काम नभएको लागेको दिन कसैको कुर्सी जोगाउन साथ दिने पक्षमा एमाले नरहेको बताएका छन्।
