संजय यादव, १८ आश्विन २०७७
गोलबजार, सिरहा : सिरहा जिल्ला प्रमुख अधिकारी प्रदीपराज कणेलले नियम कानून र निर्देशन नमान्ने बिद्यालयलाई कानूनी कार्यवाही हुने चेतावनी दिए । प्रमुख अधिकारी कणेलले रेडियो आकाशगंगा एफएमका संजय यादवसंग कुरा गर्दै भने, नियम कानून, निर्देशन उलंघन गर्ने बिद्यालयका प्रधानाध्यापक वा कक्षा संचालन गर्न निर्देशन दिएको उपर कानूनी कार्यवाही हुने बताए । प्रमुख अधिकारी कणेलले कुनै बिद्यालयका बिद्यार्थीलाई केही भयो भने सरुवा रोग संक्रमण ऐन २०२० अनुसार बार्यवाही हुने बताए । अहिले कुनै पनि निकायले बिद्यालयमा बिद्यार्थीलाई पठनपाठन गराउनु भनेर भनेका छैनन् । यस्तो अवस्थामा केही तलमाथी भयो भने प्रधानाध्यापकले सम्पूर्ण जिम्मेवारी समेत लिनुपर्ने प्रमुख अधिकारी कणेल भने ।
यदी बिद्यालयहरुले बिद्यार्थीलाई बिद्यालयमै बोलाएर पठनपाठन गरिरहेका छन् भने त्यस्ता बिद्यालयलाई प्रहरी परिचालन गरेर पनि तुरुन्त नगर शिक्षा शाखाको प्रमुखले बन्द गराउन भनेका छन् र हामी पनि भोली देखि नै यस सम्बन्धी बिस्तृत बुझेर परिपत्र पनि गर्ने बताए ।
