नेकपा एमाले मधेश प्रदेशको अध्यक्षमा चन्देश्वर मण्डलको नाममा करिब सहमति जुटेको छ । अध्यक्ष लगायत पाँचजना पदाधिकारीमा सहमति जुटेको खाका तयार भएको एमाले श्रोतले जनाएको छ ।
एमलेको हिजोदेखि जारी प्रथम मधेश अधिवेशनमा राति ३ बजेदेखि बन्दसत्रमा सहमतिका लागि छलफल थालिएको थियो । सिरहाका एमाले अध्यक्ष रहेका मण्डलको नाममा सबै पक्ष करिब करिब सहमत भएको र औपचारिक घोषणा हुन बाँकी रहेको एमाले श्रोतले जनाएको छ ।
भित्र सहमतिमा पदाधिकारीको खाका तयार भएको छ ।
यस्तै उपाध्यक्षमा पर्साका विचारी यादव, सचिवमा शिवशंकर साह हिरा (धनुषा), उप सचिवमा आरती भण्डारी (रौतहट ) र मोहम्मद कैस (धनुषा) मा करिब सहमति जुटेको स्रोतले जनाएको छ ।
भित्र सहमतिको खाका एमालेले तयार गरेपनि बाहिर भने निर्वाचन तालिका सार्वजनिक गरको छ । निर्वाचन कमिटीले सार्वजनिक गरेको कार्यतालिका अनुसार बिहीबार साँझ साढे ५ बजे मतदाता नामावली प्रकाशन गरिएको छ । मतदाता नामावलीमा दाबीविरोधपछि बिहीबार साँझ ८ बजे मतदाताको अन्तिम नामावली प्रकाशन हुनेछ । त्यस्तै बिहीबार नै बेलुका ९ देखि ११ बजेसम्म उम्मेदवारी दर्ता र दाबी विरोधपछि उम्मेदवारको अन्तिम नामावली २६ गते विहान १० बजे प्रकाशन गर्ने कार्यतालिका छ । २६ गते शुक्रबार ११ बवेदेखि मतदान गर्ने समय तोकिएको छ ।
