शनिबार काठमाडौँ सहित नेपालभरका ८ स्थानमा बिद्युत आपूर्ति बन्द हुने (सुची सहित)

काठमाडौँ : शनिबार काठमाडौँका विभिन्न स्थानमा विद्युत आपुर्ति बन्द हुने भएको छ। शनिबार काठमाडौं उपत्यका सहित देशभरका बिभिन्न ८ स्थानमा बिद्युत आपूर्ति अवरुद्ध हुने नेपाल विद्युत प्राधिकरणले जनाएको छ।

प्राधिकरणकाअनुसार बिभिन्न कारणले यी स्थानमा बिद्युत अवरुद्ध हुन लागेको हो। चितवनको भरतपुर महानगरपालिका र माडी नगरपालिकामा शनिबार बिहान ७ देखि दिउँसो १ बजेसम्म बिद्युत अवरुद्ध हुनेछ। बाइपास विद्युतीय संरचना सार्न तथा व्यवस्थापन गर्नका लागि यो ठाउँमा शनिबार बिद्युत अवरुद्ध हुने भएको हो।

त्यस्तै बनस्थली, बालाजु, माछापोखरी, बाइपास, गुम्बाथोकी, मनमैजु, लोकतान्त्रिक चोक, इन्द्रेणी पुल लगायतका स्थानमा भोलि बिहान ११ बजेदेखि २ बजेसम्म बिद्युत अवरुद्ध हुनेछ। चक्रपथ विस्तार कार्यका कारण उक्त स्थानमा बिद्युत अवरुद्ध हुने प्राधिकरणकी सूचना अधिकारी लिला कुमारी अर्यालले जानकारी दिईन्।bizpati