जनकपुरधाम । मधेश प्रदेशका २९ स्थानीय तहले अझ बजेट पेश गर्न सकेको छैन् ।
संवैधानिक व्यवस्था अनुसार असार १० गतेभित्र स्थानीय तहले बजेट ल्याउनुपर्ने भएतापनि मधेश प्रदेशका स्थानीय तहहरुले त्यसलाई अटेरी गर्दै बजेट ल्याएका छैनन् ।
संघीय मामिला तथा सामान्य प्रशासन मन्त्रालयका अनुसार यस प्रदेशका २९ स्थानीय तहले आर्थिक वर्ष २०८०÷८१ को बजेट पेश गर्न सकेको छैन् ।
बजेट पेश नगर्नेमा सप्तरीको कञ्चनरुप नगरपालिका, राजविराज नगरपालिका, हनुमाननगर कंकालिनी नगरपालिका, छिन्नमस्ता गाउँपालिका, महादेवा गाउँपालिका र रुपनी गाउँपालिका रहेको छ ।
यस्तै, सिरहाको कल्याणपुर नगरपालिका, औरही गाउँपालिका, भगवानपुर गाउँपालिका, धनुषाको औरही गाउँपालिका, कमला नगरपालिका, धनौजी गाउँपालिकाले बजेट पेश गर्न सकेको छैन् ।
यस्तै, सर्लाहीको बलरा नगरपालिका, हरिवन नगरपालिका, हरिपुर्वा नगरपालिका, चन्द्रनगर गाउँपालिका, रौतहटको गरुडा नगरपालिका, कटहरीया नगरपालिका, गढीमाई नगरपालिका, देवाही गोनाही नगरपालिका, फतुवा विजयपुर नगरपालिका,माधवनारायण नगरपालिका, मौलापुर नगरपालिका, यमुनामाई गाउँपालिकाले बजेट पेश नगरेको मन्त्रालयको वेवसाइटमा उल्लेख गरिएको छ ।
बाराको सिम्रौनगढ नगरपालिका, आदर्श कोतवाल गाउँपालिका, पर्साको धोबीनी गाउँपालिका, सखुवा प्रसौनी गाउँपालिका र जिराभवानी गाउँपालिकाले बजेट पेश गरेको छैन् ।
