धनुषा : कोरोना संक्रमणको मध्यनजर गर्दै यसवर्ष धनुषा जिल्लामा विजयी दशमीमा बलिप्रदान नहुने भएको छ ।
प्रत्येक वर्ष विजया दशमीको अवसरमा करीब १५ हजारको हाराहारीमा जनकपुरधाम स्थित राजदेवी मन्दिरमा मात्रै बलिप्रदान हुँदै आएको थियो । तर यसवर्ष जिल्ला प्रशासन कार्यालय धनुषाले कोरोना संक्रमण नियन्त्रण गर्ने उद्देश्यले बोका बलिप्रदान गर्न नदिने निर्णय गरेको छ ।
जिल्ला प्रशासन कार्यालय धनुषाले मंगलवार एक सूचना गरी कोरोना भाइरसको मध्यनजर गर्र्दै यसवर्षको वडा दशैं पर्वमा जिल्ला भित्रका सम्पूर्ण मठ मन्दिरहरुमा बोकाबली नचढाउने, कुनै किसिमको भीडभाड हुने क्रियाकलाप नगर्ने, प्रथा परम्परा धान्न संक्षिप्त क्षमा पूजा गर्ने भएको निर्णय पालना गर्न अनुरोध गरेको छ ।
राजनैतिक दलका प्रतिनिधी, प्रदेशसभा सदस्य, सुरक्षा निकाय प्रमुख, नगरपालिका प्रनिनिधिहरुको उपस्थितिमा बसेको बैठकबाट जिल्ला प्रशासन कार्यालय धनुषाले यस्तो निर्णय गरेको हो ।
बोकाबली प्रदान रोकिएपछि जनकपुरधाम स्थित राजदेवी मन्दिरको पूजापाठ व्यवस्थापन गर्दै स्थानीय महावीर युवा कमिटीलाई ठूलै घाटा लाग्ने सम्भावना देखिन्छ ।
बलिप्रदान शुल्कबाट आएका रकमबाट राजदेवी मन्दिरमा प्रत्येक वर्ष तामझाम गरिदै आएको थियो । तर यसवर्ष बोकाबली प्रदान नै रोकिएपछि रकम आभावमा अन्य वर्षको तुलनामा मन्दिरको सरसजावट तामझाममा कमी आउने देखिन्छ ।lokpukar
