सर्लाहीको हरिवन नगरपालिका ४ स्थित लखनदेही खोलाको पुलमुनि बिहीबार भेटिएका युवकको टाउकोको सनाखत भएको छ । भारतको विहार राज्य जिल्ला सितामढी थाना पुरौना भिलेज पोष्ट मनियारी वडा न. ५ बस्ने वर्ष २३ का गोलु भन्ने अभिषेक राजको रहेको टाउको रहेको सनाखत भएको हो ।
मृतकका बुबा राम दिवाकरले टाउकोको सनाखत गरेको जिल्ला प्रहरी कार्यालय सर्लाहीका सूचना अधिकारी कैलाश राईले जानकारी दिए ।
टाउको पोस्टमार्टमका लागि सर्लाहीको प्रादेशिक अस्पताल मलंगवामा राखिएको छ । मृतक परिवारका अनुसार साउन २० गते अभिषेकसहित चारजना सर्लाही घुम्न आएका थिए । अभिषेकको टाउको हत्या भएको अवस्थामा लखनदही खोलाको पुल नजिक बिहीबार बिहान ८ बजे स्थानीयले देखेपछि प्रहरीलाई खबर गरेका थिए ।
अभिषेकसंगै आएका उनकन साथीहरु बेपता छन् । उनीहरुसहित अभिषेकको शरीर खोजि गरिरहेको जिल्ला प्रहरी कार्यालय सर्लाहीले जनाएको छ ।
